Home Justisa Desizaun Final Tribunal Oecusse, Richard Dascbach ba Komarka Tinan 12, Xanana Sai...

Desizaun Final Tribunal Oecusse, Richard Dascbach ba Komarka Tinan 12, Xanana Sai Hosi Tribunal

8746
0
iha salaun julgamentu TDO. [Foto: David | 21.12.2021]

Reportajen David da C. Gusmao & Celisto dos S. Oqui

Timor-Leste ohin marka nia istoria bot ida iha luta ba justisa. Hafoin prosesu justisa lao tinan 3 resin, ikus mai tribunal hatun desizaun hodi fo sentensa komarka ba Richard Dascbach (RD) tinan 12.

Desizaun tribunal ba hamonu ona ohin (21/12) hasoru Richard Dascbach, eis Padre SDV no kondena ho kazu abuzu seksuál ba menor ho agravasaun, ho violénsia doméstika, no pornografia infantil. Akuzasaun hosi Ministériu Públiku halo iha Setembru 2020. Akuzasaun ba krime 14. Iha desizaun ikus tribunal nian ohin Richard Daschbach hetan sentensa komarka tinan 12.

Prosesu foti desizaun final hahu  tuku 9:15 Otl, iha Tribunál Distriitál Oekusse (TDO) hahú ho leitura ba desizaun  ikus ba kazu Topu Honis ne’ebé mak envolve Eis Padre RD. RD tama ba iha Sala julgamentu tuku 9 liu minute hat.

No iha tuku 8:55 lide karismatiku Kayrala xanana Gusmão mos  to’o mai iha tribunál, no hamrik iha liur deit. No iha tuku 9:7 lider karismatiku mós tama mai iha sala julgamentu.

Objervasaun jornalista Neon Metin haree katak Xanana Gusmao sai kedas hosi tribunal bainhira Juiz dere martelu hodi fo sentensa ba RD. Nota mos katak iha tereinu, iha area Tribunál Distritál Oe-Cusse komunidade sira mós iha liur hodi rona rezultadu husi kazu ne’e.

Dezisaun ikus ba kazu Topu Honis hetan seguransa masimu husi Polisia Nasionál Timor-Leste (PNTL).

Kazu Topu Honis mak nudar kazu pedofilia nebe mosu dahuluk iha TimorLeste, invole hosi eis padre RD hosi kongregasaun Society of the Divine Word (SVD), no RD hetan konfirmasaun kazu abuzu sexual, violensia domestika no pornografia labarik.

Print Friendly, PDF & Email

LEAVE A REPLY

Please enter your comment!
Please enter your name here