Home Notisia MS Lansa RSETL Mobile Application, Ajuda Ekipa Saude Koleta Informasaun Vasina COVID-19

MS Lansa RSETL Mobile Application, Ajuda Ekipa Saude Koleta Informasaun Vasina COVID-19

255
0
Lansamentu RSETL mobile application. [Foto: David da Costa | 30.04.2021]

Reportazen David da Costa Gusmao*

Ministra Saude (MS) ohin halo lansamentu ba Rejistu Saude Eletronika Timor-Leste (RSETL) Mobile Application hodi ajuda ekipa saude sira, hodi koleta informasaun konaba vasina COVID-19 no ajuda mos pasiente sira hodi halo appointment ho dotor sira antes atu ba konsulta.

Ministra Saude (MS), Odete Maria Freitas Belo hateten lansamentu ba iha aplikasaun telemovel atu uza hodi halo tracking, no ajuda koleta informasaun konaba vasinasaun COVID-19 nian.

“Tuir lolos ida ne’e ami halo antes vasinaun maibe ami seidauk iha preparasaun diak, entaun ohin ami uza tempu ida ne’e, hodi halo lansamentu ba telemovel apalikasaun,” dehan MS Odete Maria iha Palaciu da Cinzas Kaikoli, Sexta 30/04.

Nia esplika la siginifika ohin halo ona lasamentu  servisu ne’e la halao, ne’e lae? maibe maluk sira ne’ebe serbisu iha saude familiak, omesa koleta ona informasaun konaba vasina nian nain hira mak simu vasina ona, no se deit mak seidauk vasina, no vasina ne’e nia balansu ne’e hela hira, bele hare’e liu husi aplikasaun telemovel.

“Sira ne’ebe uza telefone android orsida bele hetan sandi, no sira bele haree husi telefone ne’e katak hau simu vasina dala hira ona, primeiru dozes ka segundu dozes. Aplikasaun telemovel  ne’e halao tiha ona, ohin ne’e ita halo lansamentu deit”, dehan nia.

Nia haktuir RSETL Mobile Application ne’e oferese gratuita husi timoroan balun ne’ebe mak kria aplikasaun ne’e, hodi ajuda mos Ministeiru Saude hodi fasilita ekipa saude sira.

Iha fatin hanesan nain ba kompaña Bluston, David Montelão hateten aplikasaun telemovel  ne’e hanesan  sistema  registu saude  eletroniku, iha nia modelu iha sistema kuase 40 resin.

“Sistema registu Saude eletroniku ne’ebe kompleta los ho nia modelu iha sistema kuase 40 resin, Ita haree pandemia COVID-19 ne’e kazu sae makaas, entaun ita hakarak monitor tracking ba ema ne’ebe hetan ona vasina liu husi RSETL aplikasaun telemovel ne’e,” nia dehan.

*(David da Costa Gusmao nudar estudante UNTL ne’ebe halo estajiu iha Neon Metin

Print Friendly, PDF & Email

LEAVE A REPLY

Please enter your comment!
Please enter your name here