Home Notisia Online Business Hodi Promove Produtu Lokal

Online Business Hodi Promove Produtu Lokal

82
0
Fatin rejistu bisnis (Foto: Serve)

Reportajen Adroaldo & Lucas

Engeenering Without Borders (EWB) organiza workhsop hodi koalia kona ba bisnis online. Inisiativa ne’e halo hodi promove iniciativa bisnis mak hakarak atu promove produto local no mos produto sira seluk.

Aprezentador Online Business, Nelson Gonçalves Vieira, apresenta ideas kona ba bisnis online hodi faan produto local no produtu sira seluk hodi hetan osan.

“Ita promove mós ita nia produtu lokal, ita nia roupa tradisional, tais, ita bele fa’an iha internet. Dala barak ita iha ona negósiu offline hanesan kios, fa’an roupa, fa’an sapatu, maibé oinsá ita bele lori ita nia negésiu ida ne’e ba iha online, atu promove”, Nelson esplika.

Nelson mos aumenta katak ema mos bele dezenvolve sira nia blog rasik hodi halo bisnis online. Blog ne’e di’ak tanba ita la selu, ita só selu de’it ba ativu internet hodi asesu, fulan fulan ita la selu. Maibé domain ba website, ita tenki selu. Blog ita uza sub domain de’it. entaun oportunidade ida mai ita para bele share. Nia fó livre mai ita para bele posting no server rasik mak google no ema labele hacker tanba server iha google.

Partisipante iha seminar ne’e, Olga Rosa, hatete katak seminar ne’e fanun nia hodi halo bisnis online ho diak liu hosi kria blog rasik. Tanba iha ita nia nasaun ema barak ona mak halo negósiu no promove sira nia sasan hanesan roupa, sinelus, sapatu sira ne’e iha facebook, whatsapp. Maibé sira seidauk hatene sítiu ida ne’ebé mak kusus ba negósiu online nian ne’ebé di’ak.

Komisaun Oraganizadora, Project Coordinator Engeenering Without Borders (EWB) João Rosa Ximenes Caldas Soares, hatete katak Objetivu hosi semina iha área IT nian ne’e, atu oinsá bele kria blog, para oinsá bele dezenvolve fali iha lian Tetun iha mundu internet nian nomós oinsá atu bele kria ka halo promosaun ba iha negósiu Online nian, atu halo di’ak liutan konabá ema ruma ne’ebé hakarak halo negósiu Online.

Seminar ne’e halo iha loron tolu liu ba (16/02), iha Knua Juventude Fila Liman Pateo, Colmera. Workshop ida ne’e hetan suporta hosi ami nia fundador prisipal AUSAID. Nia mak fó suporta donor ba ami nia aktividade ida ne’e, ami mós kolabora ho ekipa Feto Enjiñaria no mós ami nia parseiru Knua Juventude Fila Liman.

 

LEAVE A REPLY

Please enter your comment!
Please enter your name here