Home Notisia EWB Organiza Semináriu konabá Earthquake Resistant Design of Reinforced Concrete Buildings

EWB Organiza Semináriu konabá Earthquake Resistant Design of Reinforced Concrete Buildings

132
0
Uma Ministeriu Finansas (Foto: Simon Rougheen)

Reportajen Adroaldo & Lucas

Timor-Leste iha pasu dezenvolvimentu fiziku ne’ebe lao makas hela tan ne’e koinesementu enjeneira ne’ebe adaptável ho situasaun Timor-Leste mak importante tebes. Seminariu ne’e halo hodi fo hanoin ba publik kona ba importância hosi dezain konstrusaun ba iha resistência hasoru rai nakdoko.

Organizador no Project Coordinator Engeenering Without Borders (EWB), João Rosa Ximenes Caldas Soares, hato’o kona ba objetivu ho semináriu ne’e hodi fo benesifisiu ba enjineiru sira.

“Objetivu hosi Workshop ka semináriu ida ne’e, oinsá ami bele fó oportunidade ba iha Enjiñeiru  profisional sira ne’ebé iha esperiénsia servisu tinan barak ona, atu nune’e bele iha tempu, atu bele mai fahe sira nia koñesimentu no matenek ne’ebé iha, hamtuk ho Enjiñeiru estudante sira, nomós enjiñeiru foun sira, atu nune’e bele haforsa tan sira nia koñesimentu, la’os de’it iha área ejiñeiru espesífiku maibé enjiñeiru en jeral, hanesan enjiñeiru civil, arkitetu, kímika, mekanikal no sel-seluk tan”, Joao Rosa hatete.

Aprezentador Ricardo Martins, agora da-dauk hala’o hela nia estudu Maestradu iha Enjiñaria Civil, espesializasaun iha Estrutura, hatete katak Timor-Leste, ita haree tuir estandar Indonézia nian, ita monu iha zona lima rai nakdoko nian. Entaun ida ne’e hatete mai ita katak ita nia edifísiu ne’ebé ita presiza design uza análiza ida, tanba ne’e normas ida ne’ebé obriga ita atu tuir. Entaun ho ida ne’e inspira ita, enkoraza ita Timor Oan estudante Enjeñaria Civil nian, atu aprende no absorve matéria hirak ne’e, atu bele kontribui ba ita nia nasaun, la’os liu de’it ho buat seluk maibé liu hotu hosi parte konstrusaun nian. Tanba polítika ida atu fahe dezenvolvimentu mak polítika ida atu hadi’a infra-estrutura ho kualidade no seguru ba ita nia sosiedade.

Ricardo mos dehan kona importância kria qualidade infraestrutura. Ida ne’e servisu importante hosi parte tekniku sira nian.

“Hanesan ita nia rai seidauk iha normas dezeñu ba sizmu nian, maibé ita bele uza normas Indonézia nian, atu bele halo tuir, atu ita kria kualidade iha ita nia infra-estrutura. Ha’u hanoin parte seluk, ema seluk bele komenta, maibé parte tékniku ha’u hanoin, ita obedese de’it ba normas ne’ebé iha. La’os ita obedese normas atu grante buat ne’e seguru liu, pelu menus nia kualidade ne’e di’ak oi-tuan”, Ricardo aumenta.

Partisipantes seminar,  Egido de Almeida, graduadu UNPAZ iha área Arkitetura, expressa katak nia siente interessante los ho semináriu ne’e.

“Aprezentasaun ohin nian ne’e ha’u apresia tanba aprezentador fahe ona nia esperiénsia konabá área estrutura ni-nian. Ne’ebé ligasaun mós ho ami arkitetura, tanba bainhira dezain konabá konstrusaun ne’ebé relevante ho uma. Importante tebes entre Civil Engenheirinha ho Architectura, bainhira enjiñeiru ida atu konta ka haree ni-nia estrutura, presiza dezeñu hosi Arkiterura. Arkiterura halo planu hotu tiha mak Enjiñeiru sira konta fila-fali”, Egido expressa.

Seminariu ne’e halao iha horiseik, 16/02, iha Knua Juventude Fila Liman Pateo, Colmera. Workshop ida ne’e hetan suporta hosi ami nia fundador prisipal AUSAID. Semináriu ida ne’e partisipa hosi enjiñeiru civil, arkitetu nomós enjiñeiru Civil senior balun.

LEAVE A REPLY

Please enter your comment!
Please enter your name here