Home Notisia PN Fo Homenajen Ba Saudozu Guntur, Abel: Lakon Manu Aman Ne’ebe Dedika...

PN Fo Homenajen Ba Saudozu Guntur, Abel: Lakon Manu Aman Ne’ebe Dedika Enerjia Harii PLP

309
0
PN fo homenajen ba saudozu Guntur. [Foto: Francisco JDA | 25.01.2021]

Reportazen Francisco JDA

Parlamentu Nasionál (PN) fo homenajen ba saudozu matebian Sabino Soares  “Guntur” ne’ebé husik ona mundu iha loron 23/01 iha ospital Nasionál Guido Valadares

Saudozu Sabino Soares “Guntur” moris iha Lelalai Qelicai 08 Julho 1975, saudozu hanesan oan mane dahaat hosi Dr.Luis Soares no Celestina Boavida Freitas ho maun alin hamutuk nain 14, mane 5 no feto 9 maibé sira nain 13 mak fila ona ba aman Maromak nia kadunan santo, inklui saudozu Sabino Guntur. Saudozu Guntur kaben ho Elizita Fatima de Jesus hosi Liquisa hetan oan nain 5, mane 4 no feto ida.

Iha okaziaun ne’e Prezidente Parlamentu Nasionál, Aniceto Guterres hato’o solidariedade ba saudozu Guntur nia kaben, inklui oan sira no familia enlutada, nune’e mós ba partidu PLP ho estrutura no militante sira hotu, ne’ebé lakon kuadru no militante di’ak ida, tanba ne’e Meja Parlamentu Nasionál deside suspende atividade plenaria loron ida tomak, nu’udar sentidu lutu ba saudozu deputadu Guntur nian mate.

Iha Fatin hanesan intervensaun hosi Bankada PLP, Abel Pires hateten katak ohin loron triste la’ós de’it ba familia, organizasaun rezistensia, lakon manu aman ida, maibé lakon belun di’ak ida ne’ebé dedika nia enerjia tomak, hodi harii no instala partidu PLP iha teritóriu laran tomak.

“Ohin loron triste tanba Timor-Leste lakon erói ida, lakon juventude loriku as’wain ida ne’ebé ho aten brani dedika nia an tomak, kontra prezensa okupasaun iha rai ida ne’e, la iha liafuan ida mak bele espresa ita nia lakon, maibé seluk hosi hakmatek rohan laek iha reinu lalehan kamarada no kompanheiro da luta”, hateten deputadu PLP Abel Pires iha PN, 25/01

Abel Pires realsa tan katak lori PLP nia naran ho haraik an husu deskulpa, karik saudozu nia moris hala’o knaar iha liafuan ka hahalok ruma la monu ba maluk sira nia laran.

LEAVE A REPLY

Please enter your comment!
Please enter your name here