Home Notisia RDDH Husu Lider Nasional Tuur Hamutuk Hakotuk Impase Politika

RDDH Husu Lider Nasional Tuur Hamutuk Hakotuk Impase Politika

138
0
Rede Defensór Direitus Umanus halo konferensia imprensa ho jornalista sira iha HAK-Farol. [Foto: Francisco J.de Almeida | 23.09.2019]

Reportazen Francisco JDA

Relasiona ho situasaun politika ne’ebe akontese, depois de Orsamentu Jeral Estadu 2020 la pasa iha Parlamentu Nasional, Rede Defensor Direitus Humanu [RDDU], hatoo deklarasaun imprensa ba media sira.

Liu hosi deklarasaun ne’e RDDU ezije ba lider nasional sira, hodi tur hamutuk halo dialogu nune’e bele buka solusaun ba impase poliika iha Timor-Leste.

Koordenador RDDU, Inocencio de J. Xavier observa katak lideransa politiku sira la intende malu, tanba interese grupu no partidaria ne’ebe as liu duke interese estadu no povu.

“Ho Orsamentu Jeral Estadu ne’ebe la passa no sumba iha Parlamentu Nasional, sei hanaruk liu tan impase politika iha rai laran no lori impaktu negativu ne’ebe boot ba povu kiik no juventude sira ne’ebe mak sei dezempregu. Ami mos hare katak politika orsamentu duodecimo ne’ebe governu aplika, sei la suficiente atu hadia no desenvolve povo kiik nia moris hosi kiak no mukit” tenik Koordenador iha Asosiasaun HAK Farol 29/0.

Koordenador ne’e mos hatutan liu tan, impase politika ne’ebe akontese iha 2017 no hakat ba eleisaun antesipada hodi hakotu, no dadaun ne’e harii VIII governo, akontesetan Orsmentu Jeral Estadu iha faze jeneralidade la pasa, tanba bankada CNRT ne’ebe hamutuk forma governu la afavor ba proposta OJE 2020, ikus mai estadu tama iha impase politika ne’ebe governu uja dotasaun orsamentu temporaria iha artigu 31 regime duodecimal, iha Lei Orsamentu no jestaun finanseiru 13/2019 funsiona makina esatdu.

RDDU mos ezije ba lider nasional atu tau ses sira nia arogansia, egoismu no interese grupu nian ba kotuk, hodi tau as interese nasional no interese povo nian, hodi tur hamutuk halo dialogu nune bele hakotu impase politika, atu povu la bele sai vitima ba politika foer sira ne’ebe lider nasional sira kria

“Husu ba lider resistencia no veteranu sira hotu, ne’ebe uluk terus ba liberta rai no povo ida ne’e, atu kolabora no ezije lider nasional hodi buka solusaun ba situasaun politika ne’e, husu mos ba juventude teritorio laran tomak, atu kalma no hakmatek nafatin iha ida-idak nia fatin, hodi fo tempu ba lider nasional sira atu bele buka solusaun ba situasaun politika ne’e”, dehan Inoncencio

Nia mos haforsa tan katak akademiku, sosiedade civil no observador politika, atu bele apoio ideas no opsaun konstrutivu hodi ajuda Presidente da Republika no lider nasional sira iha dialogu no interativu.

LEAVE A REPLY

Please enter your comment!
Please enter your name here