Home Saude Covid-19, Ekipa Pilar II Halo Sosializaun no Fahe Panfleto Oinsa Prevene-an Hosi...

Covid-19, Ekipa Pilar II Halo Sosializaun no Fahe Panfleto Oinsa Prevene-an Hosi Corona

151
0
Ekipa Pilar II fahe panfleto ba komunidade konaba Covid-19. [Foto: Francisco JDA | 30.03.2020]

Reportazen Francisco JDA

Governu liu hosi Ministeriu Saude serbisu hamutuk ho Komisaun Covid-19, kontinua habela informasaun relasiona ho moras virus Corona ne’ebe mak sai ameasadu iha mundu tomak, inklui Timor-Leste, tanba ohin loron iha ona ema nain ida mak positivu virus Corona.

Liu ekipa pilar II, tun ba iha tereno hodi fahe informasaun no fahe panfletos konaba oinsa atu tulun  komunidade sira atu ba kombate Covid-19 iha Municipiu Dili

Xefe Mobilizasaun Agusta Amaral hatete atividade ohin hala’o hotu iha postu Dili laran inklui Metinaro

“Ekipa ami fahe hotu ona, sei fahe informasaun kada postu, nune’e ita hakarak tama hotu iha postu lima ne’e, ita garante katak atividade la’o hotu iha Dili laran tomak”, tenik Xefi Mobilizasaun Agusta Amaral iha Kaikoli, 30/03.

Xefe Agusta hatutan atividade fahe informasaun no panfletus ne’e tanba komunidade barak seidauk hatene, ema presiza halo distansia, la bele besik malu tenke hadook an, mais ou menus metru ida nune’e bele evita Covid-19

“Ita hotu tama sai bairo para fahe informasaun, distribui panfletus no esplika ba komunidade sira distansia tenke dook malu hosi maluk sira mai hosi estranzeiro no maluk vizinho mai hosi rai liur labele  subar presiza halo kuarenetena”, tenik Agusta, 30/03.

Ekipa neebe fahe halao serbisu mak Ministeriu Saude, Komisaun Direitu Labarik, Ministerio Estatal, Ministeriu Edukasaun no Desportu, Plan, Crz Vermelha, Mary Stopes, Mercy Corps no Parseiru Dezenvolvimentu sira seluk.

Tips hosi redasaun Neon Metin oinsa atu prevene-an hosi Covid-19:

  1. Fase liman bebeik ho sabaun
  2. hatoman-an habai-an iha loron manas tanbta ultra violet bele hamate bateri ka virus iha oras ida nia laran
  3. konsume no bee barak hodi bele hamos bateria ka virus iha uma laran
  4. deskansa barak atu bele iha nafatin enerjia hodi hadook an hosi moras
  5. sente isin manas, mear ka inus been tenke deskansa iha uma laran, hadok-an hosi ema seluk no kontaktu klinika saude sira ne’ebe besik

LEAVE A REPLY

Please enter your comment!
Please enter your name here