Home Justisa Kazu Topu Honis Adia ba 5 Jullu, TR Husu Arguido Tenke Marka...

Kazu Topu Honis Adia ba 5 Jullu, TR Husu Arguido Tenke Marka Prezensa Iha Oe-cusse

459
0
situasaun iha tribunal rekursu. [Foto: Francisco JDA | 10.06.2021]

Reportajen Francisco JDA

Julgamentu ba kazu Topu Honis no RD sai nudar arguidu ba loron daruak nian iha loron 19 Juñu, adia ba loron 5 Jullu.

Ba jornalista sira iha Tribunal Rekursu (TR) Advogadu eis Padre Richard Dasbach, Miguel Acacio Faria hateten katak relasiona ho julgamentu ba kazu Topu Honis adia ba loron 5 Jullu, ho razaun tanba video conference ne’e la dun efetivu, tanba rede internet ne’ebé kotu-kotu, nune’e mak defeza hato’o pedidu ba tribunal, nune’e delibera no aseita atu julgamentu adia ba loron 5 Jullu no sei hala’o iha Oe-cusse

“Iha meius ida ne’e ohin tribunal foti desizaun katak arguidu tenke marka prezensa antes loron 5 Jullu advogadu no arguidu tenke iha ona Oe-cusse no kumpre regra serka sanitaria no Konfinamentu Obrigatóriu tuir autoridade RAEOA nia desizaun ba regra COVID-19 nian. Ko’alia kona ba Vitima ha’u lakohi fó komentáriu tanba prosesu la’o hela, kona ba buat sira ne’e mak ema nia entendimentu la dun di’ak, “ hatete Advogado RD iha Tribunal Recursu Dili, 10/06

Bainhira jornalista sira konfirma katak RD sei marka prezensa iha loron 5 Jullu iha tribunal Oe-cusse, Advogadu Miguel hatan katak sim infelizmente adviadu iha responsabilidade serbisu ba data ohin ne’ebe tribunal RAEOA fixada tiha ona.

Advogadu ne’e dehan meius atu ba iha Oe-cusse sei koordena hela oinsá atu ba ho ro ka aviaun karik lais liu autoridade RAEOA aprova ona pedidu tama lais di’ak liu tan.

Nune’e bainhira jornalista Neon Metin husu kona ba sekarik arguidu la marka prezensa iha loron 5 Jullu  oinsa? ba Neon Metin advogadu ne’e dehan katak. “ne’e ita labele ko’alia to’o iha ne’ebá, ba buat ne’ebé seidauk akontese, depois de akontese ita bele fó komentáriu”.

Observasaun ne’ebé Neon Metin nota iha terenu katak, joven feto no mane ba iha Tribunal hafoin julgamentu ne’e remata, la hatene joven sira ne’e ba ho motivu saida?

Print Friendly, PDF & Email

LEAVE A REPLY

Please enter your comment!
Please enter your name here