Home Meio Ambiente SEA Inaugura Jardín Domin Verde Ne’ebé Harii Husi Juventude Brigada Ambientál

SEA Inaugura Jardín Domin Verde Ne’ebé Harii Husi Juventude Brigada Ambientál

307
0
SEA lansa Jardin Domin Verde. [Foto: Joselina | 15.02.2022]

Reportajen Joselina dos Santos

Sekretáriu Estadu Meiu Ambiente (SEA), Demetrio Amaral de Carvalho inaugura “Jardin Domin Verde” ne’ebe harii husi Juventude Brigada Ambientál ba faze datoluk nian, hodi hatudu ba ema hotu liu-liu ba joven sira katak hadomi ita nia ambiente labele so’e fo’er arbiru.

Iha serimónia ne’e, Sekretáriu Estadu Meiu Ambiente, Demetrio Amaral de Carvalho hatete juventude Brigada Ambiente hamutuk 144 resin mak konsentra hamutuk iha fatin ne’e, hodi transforma fatin ne’e sai jardín ne’ebé furak.  Tanba fatin ne’e uluk nakonu ho du’ut maibé sira mai ho sira nia kriatividade rasik ho pasiensia servisu sem voluntariu  hodi trasforma fatin ida ne’e sai jardin.

“Lori Governu no Sekretariu Estadu Meiu Ambiente nia naran, ami hato’o agradesimentu boot ba imi hotu, ba imi nia dedikasaun no imi nia pasiensia atu serviisu ba defeza ambiente nia kapas, Misaun ida ne’e hotu imi nia servisu ba ambiente labele hotu iha ne’e maibé kontinua nafatin,” dehan Sekretariu Estadu Meiu Ambiente   iha abertura ba Jornalista sira iha Jardin Domin Verde Pantai-Kelapa 14/02.

Nia dehan, Juventude Brigada ambiental iha filosofia ida katak, uluk ita luta ba rejisténsia ukun rasik-an ema barak ho nia partisipasun voluntáriu, mak hatudu prosesu voluntariu ne’e bele sai kma’an liu. Oihn Ukun Rasik-an valor ne’e kuase atu lakon, tanba haree maioria husi sosiedade joven, se ita hodi ba prosesu dezenvolvimentu todan,  husi dezenvolvimentu ne’e bele kma’an liu tan bainhira Joven sira mai ho kreatidade oi-oin.

“Realidade hatudu katak atu Kombate Lixu, Brigada Ambiental ita bele transforma hanesan Brigada ba kombate lixu, iha knua sira joven barak mak la hetan servisu  ita bele identifika sira   atu organiza sira hanesan brigada sira atu ba kombate lixu  iha knua no bairo sira, Se ita bele organiza didi’ak sira nia 25% ne’e bele sa’e ba 50%,” nia dehan.

Nia esplika iha fatin ida ne’e agua mamuk hamutuk 1000 transforma ona ba pagamentu ida ne’ebé exelente iha tasi ibun ne’e, fatin ida ne’e sei koopera ho Autoridade Munisipiu Díli atu haree halo jestaun ida di’ak hanesan montajen atu transforma fatin seluk iha Díli laran, sai jardin ne’ebé joven sira bele utiliza fatin ne’e maibe joven sira mak tenke sai na’in ba jardin ne’e.

Print Friendly, PDF & Email

LEAVE A REPLY

Please enter your comment!
Please enter your name here