Home Notisia HAK: SEATOU Presiza Konsulta no Tetu didi’ak Antes Halo Eviksaun no Ezekuta...

HAK: SEATOU Presiza Konsulta no Tetu didi’ak Antes Halo Eviksaun no Ezekuta Program Ne’ebé Diskute Ona Iha PN

1234
0
Diretor Ezekutivu Yayasan HAK koalia iha konferensia imprensa. [Foto: Umbelina | 23.04.2024]

Reportajen Umbelina dos Reis

Diretor Ezekutivu Asosiasaun HAK, Feliciano da Costa Araújo liu hosi konferénsia imprensa hateten, ligadu ho Sekretáriu Estadu ba Asuntu Toponímia no Organizasaun Urbana (SEATOU) halo eviksaun iha Kapital Dili, tenke konsulta didi’ak ho komunidade sira no tetu di’ak antes halo eviksaun.

“Maun boot Xanana dehan povu mak estadu, estadu mak povu maibé agora SEATOU mak atu boot liu fali Primeiru-Ministru no Prezidente Repúblika.” Dehan Diretór Asosiasaun HAK, liuhosi Konferensia Imprensa, iha Fundasaun Haburas Farol, segunda-feira, 21/04.

Feliciano da Costa Araújo hateten, tuir lo-loos SEATOU tenki ezekuta programa ne’ebé diskuti ho Parlamentu Nasional PN, tanba agora dau-dauk dehan servisu integradu ho instituisaun ne’e servisu hamutuk ka lae? oinsá inan feton sira agora tanis ne’e hetan ka lae?

“Nunu governu halo programa hanesan ne’e para hatudu ba povu katak tinan lima ne’e imi ukun duni ka oinsá?” Nia dehan.

Nia husu ba SEATOU atu haree artigu konstituisaun RDTL 54 aliña 3, se governu hakarak rai ida hosi povu ka rai privadu tenki konsulta di-di’ak, nune’e fó kompensasaun ba rai nia medida ho lo-loos la’os ezekuta arbiru.

“Até agora SEATOU nia papel iha ne’ebé, Sekretáriu Estadu Terras Propriedades nia papel iha ne’ebé? Ministériu Justiça (MJ) nia papel iha ne’ebé?  Ministériu Obras Públikas (MOP) nia papel ne’ebé ita la haree? Se SEATOU hakarak hamoos sidade Díli nusa la haree ba valeta no kolan lubuk ne’ebé sei nakonu ho lixu ne’e?  Tuir lo-loos ne’e MOP no Sekretáriu Terras Propriedades nia servisu.” Nia kestiona.

Nia informa, até a data sertifikadu Indonésia ne’ebé kaer tinan 1982, Soeharto nia tempu ne’e mak fó. Timor ukun an 25 anus ona sertifikadu ne’ebé mak fó ba ita nia maluk sira? Investor ne’ebé mak atu mai ita nia rai, se laiha sertifikadu rai nian, investidor sei la mai.

“Levantamentu primeiru gasta osan lubuk ida halo projetu iha ita nia rai Liquiça no Manatuto, povu agora hein hela sertifikadu maibé laiha. Depois imi hakarak duni povu ba idak-idak nia munisípiu, saída mak imi halo ona iha munisípiu? Laiha.”

Nune’e husu ba parte relevante sira foti desizaun ruma ba povu nia moris ne’e tenki tetu, labele arbiru, autoridade ne’ebé povu fo fiar mos imi la konsidera tiha ona, maibé imi uza imi nia poder.

Print Friendly, PDF & Email

LEAVE A REPLY

Please enter your comment!
Please enter your name here