Home Saude Sentru Saude Ossu Rejista Kazu Dengue Hamutuk nain 6, Maioria Labarik

Sentru Saude Ossu Rejista Kazu Dengue Hamutuk nain 6, Maioria Labarik

366
0
Xefe Centru Saude Ossu (CSO), Dra. Elsa Esperança M. da C. Guterres. [Foto: Santy | 15.02.2022]

Reportajen Santina Lucia da Costa

Sentru Saude Ossu (CSO), hahú husi Loron 28 Janeiro 2022 to’o agora rejistu ona moras Dengue hamutuk ema na’in 6, Feto 2 mane 4.

Ba Neon Metin, Xefe Centru Saude Ossu (CSO), Dra. Elsa Esperança M. da C. Guterres, informaCentru Saude Ossu hahú husi loron 28 Janeiro to’o agora kazu Dengue hamutuk 6, husi kazu 6 ne’e labarik menus 10 anos mak na’in 5, no 15 anos ba leten ema na’in 1. Feto 2 mane 4.

Xefe CSO hatutan ema na’in neen (6) ne’e, na’in haat (4) mak konsege refere ba Viqueque halo tratamentu iha ne’eba, no seluk halo hela tratamentu iha CSO balun rekupera fali ona.

Dra. Elsa akresenta esforsu hosi CSO mak nafatin halo promosaun ba komunidade sira, komunidade sira limpeza iha sira nia fatin, hakohi lata mamuk sira, kuda aifunan iha vazu karik presija troka bee semana ida dala tolu, fase tanque.

“Intervensaun ne’ebé mak SSO halo ona estratejia atu responde moras Dengue ne’e, primeiru maka CSO halo ona mobilizasaun ba komunidade ka halo promosaun edukasaun saude, ba iha ita nia komunidade liuhusi  asaun halo kontrolu vetor ka konsola larva, komunikasaun no mos distribuisaun avatisasi ba komunidade suku 10. No halo jestaun kazu krimiku tuir kazu ne’ebe mak karik la premite halo tratamentu iha SSO, hakarak lakohi refere ba enternamentu Viqueque.” Esplika, Xefe CSO, Dra. Elsa Esperança M. da C. Guterres ba Neon Metin liuhusi via telfone, foin lalais ne’e, iha CSO, Postu-Administrativu Ossu, Munsipiu Viqueque.

Entretantu kazu ne’ebé aas iha CSO ne’e hahu husi fulan janeiro 2021 to’o Janeiro 2022 ne’e moras aas liu mak Ispa, mak hamutuk 9324, husi 9324 feto 5202 mane 4122.

Dra. Elsa husu ba komunidade suku 10 ita presija halo limpeza iha ita uma sorin-sorin, hamate ka elimina kedas ona knuk susuk, liuhusi asaun hamoos Tanque semana ida dalarua, bee sira ne’ebé tau presija taka metin, labele tara roupa iha uma laran, hikar roupa tau iha nia fatin, wainhira toba tenki uza musquiteiru, hatais roupa liman naruk, kalsa naruk hodi prevene susuk tata ita.

Print Friendly, PDF & Email

LEAVE A REPLY

Please enter your comment!
Please enter your name here