Home Saude 26 Janeiru, MS Rejista Kazu Dengue Sae Ba 972, Iha Dili Sae...

26 Janeiru, MS Rejista Kazu Dengue Sae Ba 972, Iha Dili Sae Ba 648 no Obitu Sae Ba 18

381
0
Ilustrasaun susuk dengue. [Foto: Copyright google | 20.01.2022]

Reportajen Zevonia Vieira

Iha loron 26 Ministeriu Saude (MS) rejista kazu moras Dengue sae ba 972, kazu obitu ka mate sae ba nain 18 no maioria deteta iha munisípiu Dili ho total kazu 648.

Liuhusi komunikadu imprensa MS relata katak alende munisípiu Dili, tuir kedas ho Ermera ho kazu 71, Manatuto ho kazu 67, Baucau ho kazu 47, Manufahi kazu 46, Covalima ho kazu 31, Bobonaro ho kazu 23, Liquica kazu 13, Aileu ho kazu 8, Ainaro ho kazu 8, Viqueque 6. Em jeral total Munisípiu 11 mak agora daudaun relata kazu dengue.

Dadus hatudu katak husi Dezembru 2021 kazu komesa aumenta ho total 225, maibe iha fulan Janeiro 2021 kompara ho fulan Janeiro 2022, iha semana Quinta kazu barak liu kompara ho kazu Janeiro 2021. Iha posibilidade kazu sei aumenta iha semana hirak tuir mai no iha fulan oin mai.

Munisípiu Dili nafatin rejistu kazu ne’ebe a’as iha Primeira semana – Quinta Semana fulan Janeiro 2022, ho total 648 kazu. Hare ba kada loron kazu aumenta bebeik husi Munisípiu Dili

Idade mais afetadu mak husi idade menus husi 14 anos mai kraik ho grupu edade 5 – 14 ho porsento 43,2% no edade 1 – 4 ho persentagem 35,5%. Ho ida ne’e Attack Rate (AR) idade 1-14 anos a nivel Nacional ho 0.17%.

Posto Administrativu Dom Aleixo relata kazu a’as liu husi Posto administrativu hotu ho total 321 kazu iha primeira semana – Quinta semana Janeiro 2022, hafoin tuir husi Postu Aministrativu Cristo Rei 128 kazu, Nain-Feto 98 kazu no Vera-Cruz 91 kazu. Kazu obitos husi tinan 2020 ho total 10, iha tinan 2021 ho total 11 obitu.

Iha Primeira semana fulan Janeiro 2022 iha obitos nain 1 nebe’e relata husi Munisípiu Dili, no iha Terceira semana relata kazu obito Ermera nain 4, Ainaro nain 1 no Bobonaro nain 1 no Quarta semana relata obitu nain 2 husi Municipio Covalima, no 7 husi Munisípiu Dili no quinta semana relata kazu obito 2 husi Municipio Dili idane’e total Case Fatality Rate nivel nasional ho 1,9%.

Situasaun kazu Dengue Iha Municipio Dili to’o ohin loron relata ona kazu 648 kazu no obito nain 10. Tuir kalendáriu epidemiolojia tinan 2022, iha primeira semana fulan janeiro Tinan 2022 Municipio Dili relata total 38 kazu no iha semana Segundo fulan janeiro 2022 relata 158 kazu no iha Terceira semana relata ona 123 kazu no ohin quarta semana relata kazu ho total 242, iha quinta semana relata kazu ho total 87.

To’o ohin loron quinta semana fulan Janeiro 2022 Posto administrativo Dom Alexo relata kazu total 321, hafoin Posto Administrativo Cristo Rei ho 128 kazu. no tuir kedan posto administrativo Nain Feto 98 kazu no Vera-Cruz ho total 91 kazu, ne’e hatudu katak kada dia kazu espalha nafatin ba iha posto administrativo sira seluk.

Distribuisaun kazu dengue tuir klasifikasaun mak Dengue Fever (DF) ho total 529 kazu, Dengue Hemorrhagic Fever (DHF) ho total kazu 55 no Dengue Shock Syndrome (DSS) ho total kazu 64.

Print Friendly, PDF & Email

LEAVE A REPLY

Please enter your comment!
Please enter your name here