Home EduTek Eskola Bazika Filial 4 Kuluhun Tinan 20 Resin Ona Maibe Sedauk Iha...

Eskola Bazika Filial 4 Kuluhun Tinan 20 Resin Ona Maibe Sedauk Iha Biblioteka

224
0
Diretor Eskola Bazika Filial 4 Kuluhun, Domingos Magno. [Foto: Francisco JDA | 28.08.2020]

Reportazen Francisco JDA

Edukasaun mak baze ida bai ha dezenvolvimentu nasaun, ho edukasaun ne’ebe kualidade mak sei hamosu lideransa ho kualidade. Atu apoiu seitor edukasaun presiza prepara nesesidade eskola nian, hodi lori estudante sira hasae konnesementu no intelektualidade ida mak biblioteka.

Neon Metin halo observasun direita bai ha Eskola Bazika Filial 4 Kuluhun, ne’ebe mak sei hasoru difikuldade barak tanba sei menus fasilidade barak, hodi apoiu estudante sira nia prosesu aprendijazen.

Ba Neon Metin Diretor Eskola Bazika Filial 4 Kuluhun, Domingos Magno konfesa katak Eskola Bázika Filial 4 Kuluhun,  harii kedas iha Outubru 1999 maibé  to’o ohin sedauk iha biblioteka ba estudante sira atu bele lee no asesu informasaun sira ne’ebe mak sira bele aprende, maske eskola refere hato’o ona pedidu.

“Ha’u sempre propoin hela ba Ministeriu Edukasaun, Juventude no Desportu to’o agora, ami nia fatin mós luan , maibé la iha moru no buat hotu tama livre hela de’it, ha’u sempre propoin ba Ministeriu Edukasaun i ate a data parese osan mak la iha karik, to’o agora ha’u sei duvida hela ida ne’e”, hateten Diretor Eskola Bázika Filial 4 Kuluhun Domingos Magno Iha Eskola Kuluhun, 27/08

Diretor  Eskola Bázika  Filial 4 ne’e dehan dezafiu ne’ebé eskola infrenta mak sala ba profesores sira la iha, moru mós  sorin iha no sorin la iha problema ida ne’e mak infrenta hela.

Diretor mos dehan maske livru atu hanorin ba estudante sira la sufisiente, maibé nu’udar edukador bele aplika dadauk, hodi hein livru ne’ebé mak hato’o ba leten, hodi kompleta iha loron ikus mai, maibé dadaun ne’e livru bele la too mós kontinua esforsu an nu’udar edukador ida.

Diretor hatoo nia hanoin ba Ministeriu Edukasaun, Juventude no Desportu (MEJD) katak ohin loron iha mundu edukasuan forte nasaun sei dezenvolvidu, maibe iha Timor-Leste sei hasoru problema iha seitor edukasaun.

“Periodu ida sae nia halo programa oin seluk, hela to’o tinan lima programa seidauk hotu, ida ba fali entaun muda fali Sistema. Tanba ne’e edukasaun ne’e la dun forte o hare mos manorin lisensiadu sira iha liur barak hela, husu ba governu atu foti medidas ba manorin sira ne’ebe idade 60, bele aranja osan oituan no bele deskasan ona, hodi belre rekruta fali sira ne’ebe preparadu atu sai edukador”, hateten Diretor Eskola Bázika Filial 4 Kuluhun ba Neon Metin.

Estudante iha eskola refere hamutuk 812, kompostu hosi feto nain 293 no mane hamutuk 419, ne’ebe partisipa hela iha prosesu aprendijazen.

LEAVE A REPLY

Please enter your comment!
Please enter your name here