Home Notisia Covid-19, 27 Abril Konfirmadu Nafatin Nain 24, Nain 6 Rekupera no Negativu...

Covid-19, 27 Abril Konfirmadu Nafatin Nain 24, Nain 6 Rekupera no Negativu Nafatin 367

259
0
portavoz CIJK, Dr. Sergio Lobo. [Foto: Francisco JDA | 27.04.2020]

Reportazen Francisco JDA

Centru Integradu Jesatun Krize [CIJK] relata dadus ba moras Covid-19  ba loron 27 Abril. Liu hosi konferensia iha centru media, portavoz Centru Integradu Jestaun Krize [CIJK], Dr. Sergio Lobo informa katak numeru konfirmadu nafatin 24, rekuperadu nain 6, negativu nafatin 367 no laiha kazu foun no ema hein rezultadu teste ema nain 89.

Dr. Sergio Lobo ba jornalista sira heteten teste laboratorio ne’ebe halao tiha ona hamutuk 480 aumenta nain 8 kompara ho horseik iha 472.

Konaba dadus iha kuarentena Dr. Sergio informa katak ema iha kuarentena hamutuk 448, nain 8 halo auto-kuarentena iha Dili, iha Municipio emanain 35 mak iha auto-kuarentena. Ba iha kuarentena obrigatoriu iha Dili total 337 no iha municipiu ema nain 68.

Ba profesional saude sira ne’ebe tamaiha kuarentena hamutuk nain 40. Ba ema ne’ebe kompleta ona loron 14 hamutuk 1694, iha Dili ema nain 1350 no iha municipio total 344.

Dr. Sergio informa katak kazu konfirmadu no kazu provavel limite ba iha klaster 7 mak hanesan iha hotel Katuas hetan positivu 16, nain 2 rekupera ona no nain 16 sei hein teste ba dala rua tanba faze primeiro ne’e negativu.

Iha hotel Fortuna iha ema nain 1 mak rekupera tiha ona, Hotel Timing ema nain 1 konfirmadu positivu maibe sei hein teste daruak nian no pesoal saude nain 2,  hamutuk ema nain 13 teste negativu.

Iha hotel Novo Horizonte nain 2,  nain 1 rekupera no nain 1 sei hein teste segundu. Iha hotel Lecidere mos sei hein rezultadu teste no hosi Liquica teste primeiro negativu no sei hein teste ba segundu nian no profesional saude nebe hetan konfirmadu nain 1.

Print Friendly, PDF & Email

LEAVE A REPLY

Please enter your comment!
Please enter your name here