Reportazen Santina Lucia da Costa
Primeiru Ministru Taur Matan Ruak halao nia enkontru regular ho Prezidente da Republika, Dr. Franisco Guterres Lu Olo hodi hatoo serbisu governu nian.
Relasiona ho diskusaun publiku ne’ebe akontese iha semana hirak nian laran, konaba lalaok serbisu nian iha RAEOA-ZEESM ne’ebe mak agora daduk lidera hos Jose Luis Guterres nudar Prezidente RAEOA-ZEESM, ba jornalista sira, Taur Matan Ruak hateten Primeiru Ministru preokupa tanba Prezidente Autoridade Rejiaun Administrativa Espesial Oe-cusse Ambeno [RAEOA] sedauk halo nomeasaun ba Sekretariu Rejional sira hodi kompleta estrutura foun.
“Pratikamente seidauk iha nomeasaun, tanba ne’e hau preokupa no hau mós husu atu Prezidente RAEOA tenke halo esforsu ida, oinsa bele viabiliza ida ne’e, tanba normalmente estrutura ne’e tenke ba iha Konsellu Ministru ho proposta mai husi RAEOA, no desizaun ne’e iha Konsellu Ministru, enkuantu seidauk mai desizaun seidauk iha”, hateten PM Taur
