Home Notisia CNRT-PD Hamutuk Sei Halo Dezenvolvimentu Nasional, Pás No Estabilidade Iha

CNRT-PD Hamutuk Sei Halo Dezenvolvimentu Nasional, Pás No Estabilidade Iha

447
0
Sekretariu Jeral Partidu Congresso Nasionál Reconstrução Timorense (CNRT), Francisco Kalbuadi Lay. [Foto: Joselina | 19.06.2023]

Reportajen Joselina dos Santos

Partidu Congresso Nasionál Reconstrução Timorense (CNRT), apresia ho desizaun Tribunal Rekursu (TR),  ne’ebé fó sai ona rezultadu votus final ho total 288.289 ho persentajen 41,6%  no hetan kadeira 31 iha loron 5 Juñu 2023, maibé la’os manan maioria absoluta hodi forma IX governu, nune’e Partidu CNRT  presiza halo koligasaun ho PD tuir estatutu CNRT nian hodi halao Dezenvolvimentu Nasional pás no estabilidade iha Timor-Leste.

Iha Konferensia Nasional, Sekretariu Jeral Partidu Congresso Nasionál Reconstrução Timorense (CNRT), Francisco Kalbuadi Lay hateten Prezidente CNRT Kay Rala Xanana Gusmão ne’ebé hamutuk ho povu iha tempu difisil, maibé ho povu nia konfiansa ikus hetan duni vitoria.

“Ita hatene katak iha eleisaun parlamentár foun-foun ne’e ita sente manan maioria absoluta, ikus mai ita hetan duni vitoria maibé hetan deit kadeira 31, ne’e duni klaru katak ita sei aproveita tempu ida ne’e tanba konferensia ne’e  ba partidu mak sei halo agradesimentu hamutuk ho partidu ninian, nomós  movimentu sira atu halo lansamentu ba sira nia apoiu durante ne’e”, dehan, Sekretariu Jeral CNRT Francisco Kalbuadi Lay iha salaun   OKA, Surik Mas, Segunda 19/06.

“Tenke rekoñese ba oin la presiza diskute fali ida ne’ebé manan no lakon, ho ida ne’e husu ba ita hotu lalika triste hamutuk ba oin servisu hodi halao dezenvolvimentu nasionál, pás no estabilidade iha tinan lima tuir mai,” nia esplika.

Print Friendly, PDF & Email

LEAVE A REPLY

Please enter your comment!
Please enter your name here