Home Notisia Konstrusaun Timor Marina Square, Sei Fó kampu Traballu Ba Timoroan nain 170

Konstrusaun Timor Marina Square, Sei Fó kampu Traballu Ba Timoroan nain 170

232
0
Primeiru Ministu Taur Matan Ruak. [Foto: Copyright Media PM | 17.05.2022]

Reportajen David da Costa Gusmao

Primeiru Ministru (PM), Taur Matan Ruak dehan konstrusaun Timor Marina Square ne’e sei kria kampu traballu ba timoroan hamutuk 170, ne’ebé sei realiza obra konstrusaun nian no iha  faze operasionál, sei kria empregu 250 ne’ebé liga diretamente ba  iha projetu.

“Kompleksu Timor Marina Square reprezenta kreximentu no modernu ne’ebé ita hakarak tebes ba ita-nia nasaun.Investimentu ida ne’ebé ho dolar Amerikanu Millaun 50, eskluzivamente privadu, investe ona iha ita-nia rain, ne’ebé hatudu kompromisu no konfiansa husi investidór externu sira, ba ita-nia futuru ne’ebé koletivu,” dehan Taur bainhira halo nia diskursu iha lansa fatuk dahuluk Timor Marina Square iha Antiga Rezidensia Avo Xaveir iha largo Lesidere, Tersa 17/05.

Nia haktuir  Timor-Leste nasaun ida ne’ebé akolhedór, seguru no pasífiku ho oferta sira diferente no potensialidade sira iha setór turizmu, agrikultura, peska, indústria, komérsiu no servisu nian sira, ne’ebé sei fó benefísiu ba komunidade ho prezensa hosi polu foun ida-ne’e ba dezenvolvimentu urbanu.

“Ho inisiativa ida-ne’e, sei kria 170 empregu imediatu diretu, ne’ebé sei realiza obra sira konstrusaun nian. Tuirmai, durante faze operasionál sei kria empregu 250 ne’ebé liga diretamente ba projetu,” dehan PM Taur.

Xefe governo ne’e fiar katak ho prezensa infraestrutura ida-ne’e iha Lecidere, Dili, sei loke oportunidade foun empregu no negósiu nian sira, hodi hamosu vaga sira atus ba atus iha servisu sira apoiu nian, iha transporte, iha komérsiu, iha lojístika no iha servisu tékniku-finanseiru sira.

Nune’e mós iha oportunidade foun sira ba formasaun no kapasitasaun institusionál, ne’ebé hodi uza prátika sira ne’ebé di’ak liu ba atendimentu no servisu internasionál sira, sei hasa’e padraun no nivel kualidade nian iha oferta indústria oteleira Timor-Leste nian.

“Tanba ne’e, ha’u hakarak agradese ba Reprezentante husi Empreza Timor Marina Square S.A., no ba CEO hosi Empreza “A-Smart Holdings Ltd”,  Lim Huan Chiang, ba investimentu ne’ebé realiza iha Timor-Leste no iha Timoroan sira, hodi renova ita-nia disponibilidade atu kontinua servisu hamutuk hodi konkretiza projetu ida-ne’e no projetu investimentu nian sira seluk,” Xefe Governo ne’e agradese.

Print Friendly, PDF & Email

LEAVE A REPLY

Please enter your comment!
Please enter your name here