Home Notisia Plaka Max Stahl Sei Tau Liafuan “Max Stahl Salva Rolu, no Rolu...

Plaka Max Stahl Sei Tau Liafuan “Max Stahl Salva Rolu, no Rolu Ne’e Salva TL”

1820
0
Prezidente Komite 12 Novembru, Gregoriu Saldanha 'Mouris' iha plak Max nia oin. [Foto: Santy | 17.12.2021]

Reportajen Santina Lucia da Costa

Komité 12 Novembru ho komisaun organizadór, tékniku konstrusaun halo konkordánsia hodi deside haloot As’wain Max Stahl nia sinzas iha fatin uluk 12 Novembru 1991 nia subar rolu ka filme masakre Santa Cruz, liafuan ne’ebé sei hakerek iha Plaka  maka, “Fatin ne’e Max Stahl salva rolu, no rolu ne’e salva Timor-Leste.”

Iha diskursu Prezidente Komité 12 Novembru, Gregorio Saldanha ‘Mouris’ hateten ohin ita hamutuk iha ne’e, atu fó omenajen domin respeitu no agradesimentu ba Max Stahl, tanba nia halo buat boot ida ba povu Timor-Leste, dala ruma ita susar imajina, nia naran tama ona lista as’wain rai ida ne’e,  ita nia omenajen domin, respeitu, rekoñesementu sei hetan valór boot liu bainhira ita halo tuir nafatin saida mak ita nia as’wain Max Stahl no sira seluk hatudu ona. Ita hein atu Max Stahl seluk sei mosu iha jornalista timoroan sira nia leet.

“Hanesan konsiderasaun atu tau aas Max Stahl nia istória iha momentu difisil, iha nia luta tomak maka komité 12 Novembru hamutuk ho komisaun organizadóra, tekniku konstrusaun ami konkordansia hodi disidi halot as’uain Max Stahl nia Sinzas iha fatin ne’ebé uluk 12 Novembru 1991 nia subar Rolu ka filme masakre santa kruz ho liafuan ne’ebé sei hakerek iha Plaka  maka, fatin ne’e Max Stahl salva Rolu no Rolu ne’e salva Timor-Leste.” Hateten, Prezidente Komité 12 Novembru, Gregorio Saldanha iha Semiteriu Santa Cruz, 17/12.

Gregorio dehan Max Stahl transforma bee turuk ida sai laloran boot, Max Stahl ema malae mutin hosi rai liur ho nia naran seluk Cristopher Wenner, ne’ebé halo buat hotu ho domin, badinas, brani no matenek hodi apoia Timor-Leste nia luta ba ukun rasik-an.

Gregorio akresenta se ita timoroan mak luta ba Timor-Leste, ne’e baibain ka ordináriu ne’e ita nia obrigasaun, maibé se ema rai seluk ida maka pronto halo sakrifísiu no la tauk mate, hodi  foti medidas determinantes, maske hasoru risku boot ba ita nia rain, ita nia destinu ne’e extra-ordináriu tebes.

Nune’e nia dehan Max Stahl merese duni atu estadu no governu Timor-Leste ho video istóriku sira kontinua ho Timoroan hotu nia laran di’ak, hodi halo serimonia simu haloot Max Stahl hanesan As’wain Timor-Leste nian.

Nia haktuir Max Stahl ho nia belun rai liur sira, la’os de’it hatudu sira nia solidariedade ba povu Timor-Leste iha masakre Santa ruz, maibé molok no hafoin 12 Novembru 1991 mosu, Max Stahl buka dalan ho brani no matenek, hodi tama nafatin mai Timor-Leste maske nia hasoru difikuldade boot oioin hosi autoridade Indonesia sira.

Gregorio afirma Max Stahl uluk moris hamutuk ho juventude loriku as’wain, sira transforma bee turuk ida sai ba laloran boot, Max Stahl uluk ho nia kolega jornalista sira hosi rai liur lori film Masakre Santa Kruz fanu mundu Internasional, hosi nia toba dukur, ohin toba dukur para sempre iha fatin lulik ne’e nu’udar timoroan nia as’uain boot ida mós.

“Ami ho respeitu husu atu estadu no governu Timor-Leste tau matan ba sentru Audio Vizual Max Stahl, labele husik Timor-Leste nia patrimoniu ne’ebé hetan ona rekoñesimentu husi UNESCO.” Tenik, Gregorio.

Nia koklui kontrusaun momentu Max Stahl halo faze rua no sei harmoniza konstrusaun memorial monumentu masakre Santa ruz iha rate ida ne’e, fizikamente saida mak ita haree daudauk, faze dahuluk prepara ona hodi haloot nia ahukudesan, no faze ikus maka ninia filisaun ka ninia finisin.

Print Friendly, PDF & Email

LEAVE A REPLY

Please enter your comment!
Please enter your name here