Home Notisia Karta CET: Papa Francisco Desidi Richard Daschbach Laos Ona Padre, hosi 6...

Karta CET: Papa Francisco Desidi Richard Daschbach Laos Ona Padre, hosi 6 Novembro 2018

852
0
Amo Papa Francisco (Foto: Slate.com)

Conferência Episcopal Timorense (CET), ohin (28/01) hasai komunikadu ida, asinadu hosi Presidente CET, Bispo Norberto do Amaral, hatete katak Sr. Richard Daschbach laos ona padre tuir desizaun Amo Papa nian.

“Richard Daschbach hetan tiha ona sentensa hosi doutrina da fe. Prot. No 208/2018-67069, 6 de Novembro 2018, hosi Amo Papa Francisco katak Richard Daschbach laos ona padre maibe nudar leigo”, karta komunikadu CET ne’e esplika.

Karta CET nian ne’e mos hatete katak nudar dekretu hosi Santo Padre, tan ne’e husu la iha tan ida atu koalia kona ba sacerdosiu padre nian ne’e. Karta ne’e mos husu ba Padres, diakonu sira, frater sira, madre sira, no sarani sira hotu atu respeita ba Dekretu ne’e no la iha tan komentariu.

Dekretu ne’e nudar Amo Papa Francisco nia desizaun ne’ebe mai hosi prosesu ida klean no naruk no ikus hodi hasai desizaun final ida.

Richard Daschbach foin dadaun halo tinan 84. Nia membru hosi Societas Verbi Devini (SVD), no hetan ordenamentu hosi Seminariu Misaun Santa Maria iha Chicago, Amerika. Bainhira hetan ordenasaun iha 1964 nia halao misaun iha rai ketan Indonesia ho Timor-Leste, no ikus mai hela iha Oecusse. Bainhira hela iha Oecusse nia establese tiha Uma Mahun Topu Honis. Loloos ne’e fatin ne’e nudar fatin seguru ba oan kiak, adultu defisiensia no feto sira maibe ikus mai nakloke sai ba publik nudar fatin ida mak diskonfia mosu abuzu sexual ne’ebe halo hosi Richard Daschbach.

Rede Sobrevivente Hosi Ema Sira Mak Hetan Abuzu hosi Padre nia publikasaun mak Neon Metin asesu iha http://origin.bishop-accountability.org/AbuseTrackerArchive/2019/04/ hatete katak sobrevivente sira husu ba lideransa SVD nian iha Chicago atu investiga hodi hatene se Richard Daschbach mos halo krimi hanesan iha Amerika. Sobrevivente sira husu ida ne’e ho objetivu atu Richard Daschbach mos bele hetan prosesu justisa iha Amerika.

Print Friendly, PDF & Email

LEAVE A REPLY

Please enter your comment!
Please enter your name here