Home Notisia Governu Xina Apoiu Lampada 200 Hodi Apoiu UPF nian Serbisu Iha Fronteira

Governu Xina Apoiu Lampada 200 Hodi Apoiu UPF nian Serbisu Iha Fronteira

873
0
Embaixador Xina entrega lampada simbolikamente ba MI. [Foto: Francisco JDA | 28.01.2021]

Reportazen Franciso JDA

Embaixada Xina Apoiu lampada 200 ba Ministeriu Interior (MI), hodi apoio Unidade Polísia Fronteira (UPF) inklui forsa rezerva sira hodi halo seguransa, tanba durante ne’e iha limitasaun barak no Parlamentu Nasionál mós kestiona ho nune’e governu esforsu lobby doadores sira hodi bele ajuda

Vise Ministru Interior, António Armindo ba jornalista sira hateten ekipamentu lampada ka lampu senter ne’e hamutuk 200 ne’e sufisiente atu koloka ba iha forsa ne’ebé destaka hela iha fronteira, inklui UPF no forsa rezerva sira ne’ebe destaka liuliu iha Motain, ba to’o Suai no Oe-cusse fo dadaun no governu halo prosesu aprovisionamentu no sosa tan hodi kompleta liutan.  

“Ajuda hosi governu Xina ne’e la’ós ida ne’e de’it, semana kotuk fo ona botas no jas udan nian 4000 resin maibé sira mós iha kompromisu kontinua ajuda governu Timor-Leste, iha momentu ita presiza sira nia ajuda no ita mós presiza ema barak nia ajuda, para bele melhora tan ita nia instituisaun sira ne’e”, hatete Vise Ministru António Armindo iha Embaixada Xina, 28/01

Bainhira jornalista Neon Metin husu kona ba, karik durante ne’e ita menus ekipamentu hodi ajuda UPF iha fronteira? Hatan ba Neon Metin, Vise Ministru ne’e dehan, “ita husu ajuda ne’e buat barak, kona ba aumenta postu no harii postu, aleinde ita tau osan, governu tenki tau matan ba ida ne’e. Sira hatene katak fronteira rai no tasi ba nasaun ida iha soberanu rasik. Ne’e meius kooperasaun di’ak entre governu Timor-Leste ita nia ho governu  Xina, liu hosi embaixada Xina iha Timor-Leste”.

Iha fatin hanesan Embaxador Xina, Xiao Jianguo ba jornalista sira hateten, ohin entrega lampada 200 ba Ministeriu Interior no Xina kontinua apoiu nafatin espesial ba Ministeriu Saúde no Ministeriu relevante sira  hotu

Print Friendly, PDF & Email

LEAVE A REPLY

Please enter your comment!
Please enter your name here