Reportajen Filomena da Conceição
Prezidente Autoridade Rejiaun Administrativu Espesiál Oé-Cusse Ambeno ( RAEOA) ,Arsenio Da Paixão Bano promete katak Ró Haksolok sei to’o iha Timor iha loron 28 Novembru 2023, no sira halo ona selesaun ba tripulantes sira atu ba tuir formasaun iha Portugal.
“Iha 28 Novembru ne’e ami nia planu, Ró haksolok sei to’o iha Timor, tripulantes sira ami halo selesaun tinan ida ne’e, atu ba halo formasaun iha Portugal estaleiru, estaleiru ne’ebé mak ita iha, iha ona fatin kondisaun ba formasaun iha Portugal, estaleiru ne’ebé maka ita iha, no RAEOA haruka ona ba Jakarta, dala rua ou dala tolu, ba eletrisidade sira ou sira ne’ebé servisu iha Aero Porto ba Portugal ne’e laiha problema, no ami kria ona kondisaun ema na’in hira ami sei hare’e maibé tuir planu nain 20 mak ba uluk” dehan Arsenio ba jornalista sirs bainhira enkontru ho Primeiru Ministru Taur Matan Ruak, iha Palasiu Governu, Tersa 28/02.
Nia haktuir, konstrusaun Ró refere sei hotu iha fulan novembro no sei to’o iha Timor – Leste iha dia 28 de Novembro, núne’e RAEOA hahu prosesa ona tripulantes kona-ba ró ferere atu mai Timor-Leste, loron hira no semana hira mak bele to’o iha Timor-Leste.
Nia esplika, durante ne’e ró haksolok seidauk bele to’o ate agora tanba ró refere hahú kedas husi Governo da-lima, no kuandu to’o iha ninia tempu durante tinan rua iha hela pandemia nia laran, núne’e labele halo buat ida, tanba ne’e durante iha nia mandatu nia promete tinan ida ró refere bele to’o maibé la konsege tanba Timor labele tama Portugal no sira mós labele mai iha Timor entaun sasan hotu paradu.
Nia akresenta dadaun ne’e prepara ona tripulantes sira atu ba tuir formasaun, no sei halo rekrutamentu ba ema ne’ebé lori ró, entretantu ró refere tinan kotuk atinje 65% no daudaun ne’e, sae ona ba 75% no dia 28 Novembro Ró Haksolok sei to’o Iha Timor-Leste.
