Home Notisia Dr Rui Araujo: Dadus Centru Integradu Fo Sai Mai Hosi Estrutura...

Dr Rui Araujo: Dadus Centru Integradu Fo Sai Mai Hosi Estrutura Ministeriu Saude Nian

2555
0
Rui Mária de Araújo naran revolusionariu Agil, naran seluk Saga Hali Lelon (Foto: Media Hallo)

Foin lalais, 2/04, iha Centru Convensaun Dili, fatin mak uza tiha ona ba Centru Integradu ba Jestaun Krizi Nian, akontese diskrepansia entre dadus hosi Porta Vos Centru Integradu ba Jestaun Krizi nian, Dr Rui Araujo, ho Vice Ministra Saude, Dra Elia A. A. Dos Reis Amaral. Jornalista koko husu esplikasaun ba Vice Ministra maibe la hetan esplikasaun.

Jornalista Neon Metin konfirma hikas kona ba akontesementu ne’e ho Porta Vos Centru Integradu, Dr Rui Araujo, no nia fo esplikasaun kona ba oinsa mak dadus sira mai to’o iha nia hodi hato’o ba media ohin.

“Dadus ne’ebe publika mai hosi estrutura Ministeriu Saude nian tama mai situation room mak tau hamutuk hodi publika. Departementu Vijilansia Sanitaria mak halibur dadus sira ne’e, inklui halo contact tracing (buka tuir kontaktu sira mak halo tiha ona hosi ema moras), no halo koordenasaun ho laboratoriu. Ekipa ida ne’e mais hosi Dirasaun Kontrolu Doensa nia okos.  Ekipa ne’e fo dadus sira ba sala situasaun. Hafoin sira fo informasaun mai hau hodi fo sai ba publik. Iha Centru ne’e Dra Odete Viegas mak sai nudar Liaison Officer (Ofisial Ligasaun) ba ministeriu,” Porta Vos Dr Rui Araujo esplika via telephone, ohin, 2/04.   

“Centru Integradu ba Jestaun Krizi ne’e establese tuir lei no halo servisu tuir planu kontijensia governo nian. Centru ne’e establese ho supervizaun Primeiru Ministru nian,” Rui aumenta.

Dr Rui mos dehan katak hosi fulan Fevereiru to’o agora iha suspeitu virus corona hamutuk 35, rezultadu negativu 24, nain 10 seluk rezultadu seidauk sai, no nain 1 mak sei positive nafatin.  

Informasaun oin seluk mai hosi  Vice Ministra Dra Elia A. A. Dos Reis Amaral, iha ninia deklarasaun katak nia ministeriu mak tutela ba laboratoriu. Rezultadu teste tuir Vice Ministra katak halo teste ona ba  ema 23, ema 1 mak kontinua positivu maibe nia kondisaun estavel.

Print Friendly, PDF & Email

LEAVE A REPLY

Please enter your comment!
Please enter your name here