Home Saude Dr. Rui: Kazu Importadu Hosi Covid-19 Positivu Sei Nafatin 1, Sedauk Iha...

Dr. Rui: Kazu Importadu Hosi Covid-19 Positivu Sei Nafatin 1, Sedauk Iha Kazu Foun

617
0
Portavoz Centru Integradu Jestaun de Crize, Dr. Rui Araujo. [Foto: Zevonia Vieira | 02.04.2020]

Reportazen Zevonia Vieira

Liu hosi konferensia imprensa iha Centru Convention Dili [CCD], Portavos Centro Entegradu Jestaun de Crize, Dr. Rui Araujo halo aprezentasaun ba lalaok moras virus Corona ba publiku.

Ba jornalista sira Portavoz Dr. Rui Araujo hateten liu hosi Centru Entegradu de Crize hakarak hatoo publiku konaba dadus Covid-19 ne’ebe akontese horseik, bainhira anunsia informasaun loron horseik nian to’o ohin orasn 12:00 meudia.

Dr. Araujo deklara katak dadus ne’ebe rekolha hosi Sistema vVzilansia Pedimilojika Ministeriu Saude nian hatudu katak to’o ohin 12:00 oras meudia, sura hahu hosi wainhira Komisaun Interministerial no komisaun teknika halo prepartoriu ba responde pandemia Covid-19, ema ne’ebe iha Kuarentena obrigatoriu tuir termenolojia ne’ebe dekretu do governu no.3/2020 aprova iha oin rua hanesan auto-konfinamentu obrigatoriu siginika kuarentena iha uma, ne’e iha municipius iha ema nain 125, iha Dili 138.

Konfinamentu ne’ebe halo iha instalasaun ne’ebe Ministeriu da Saude mak supervisiona, iha Municipio hamutuk nain 71, iha Dili 701. Hosi sira ne’e la inklui sira ne’ebe liu ona loron 14 iha konfinamentu obrigatoriu tantu iha no iha instalasaun ne’ebe Ministeriu Saude supervisiona.

Sira ne’ebe liu ona loron 14 ne’e hamutuk 333, Portantu total konfinamentu obrigatoriu ka kuarentena obrigatoriu ne’ebe oras ne’e dadauk iha mak 1035 pesoal, sira ne’e hotu-hotu mai hosi pais ne’ebe afetadu.

Dr. Rui Araujo mos informa katak iha periodu hosi hahu kedas governu halo preparatoriu atu enfrenta pandemia ne’e, to’o ohin meudia kazus suspeitu hamutuk 35.

“Suspeitu hanesan esplika bebeik ona signifika ema ne’ebe mai hosi fatin ne’ebe afetadu ka ema ne’ebe iha kontaktu ho kazu konfirmadu, ne’ebe hahu hatudu sintomas de infeksaun respiratoriu aguda hanesan isin manas, mear, kakorok moras no seluk tan, portantu ema sira ne’e hamutuk 35, halo analize nia rezultadu sei nafatin, ida mak positivu”, hateten Dr. Rui Araujo, iha CCD, 02/04.

Dr. Rui hatutan kazu konfirmadu mantein negative ne’ebe fo sai iha loro 24 Marsu, ne’ebe provavel katak sei hein rezultadu analize ou laiha kondisaun para atu halo analize mak iha nain 10.

Covid-19 ne’ebe mak sai preokupasaun povu tomak iha Timor, liu hosi konferensia imprensa subilinha ba publiku katak baze de dadus to ohin oras 12:00 meudia, kazu importadu hosi moras Covid-19 sei nafatin  positivu 1, sedauk iha kazu foun.

“Numeru ema ne’ebe halo auto-konfinamentu ka auto-kuarentena sei aas, faktu seluk maka Timor oan barak sei tama hosi fronteira liu hosi termonlojia ne’ebe konnesidu ho liu jalan tikus, entaun aproveita oportunidade ida ne’e Gabinete de Crize hakarak apela ba populasaun tomak, liu-liu ba lideres komunitariu sira, Xefe Aldeia, Xefe Suku no Polisi Komunitaria wainhira hetan informasaun hosi membru komunidade iha ita boot sira nia area ne’ebe foin fila hosi zonas afetadas hanesan Indonesia ho tan rai sira seluk ne’ebe Timor oan barak, halo favor ida kontakta autoridade saude, polisial atu bele konvense sira hodi lori ba kuarentena ne’ebe instituisaun governu nian prepara ona, importante tanba ita la hatene se sira ne’ebe tama ne’e iha sintomas ka lae, ita la hatane se sira lori virus ka lae, entaun ba ita hotu nia seguransa diak liu ita lori sira ba konfinamentu obrigatoriu atu nune’e iha observasaun diak hosi professional saude nian, sekarik mosu sintomas presiza halo analize”, hateten Dr. Rui Araujo

Print Friendly, PDF & Email

LEAVE A REPLY

Please enter your comment!
Please enter your name here