Home Saude MS Uza Swab Test ka PCR, Hodi Halo Ezame Ba Suspeitu Covid-19,...

MS Uza Swab Test ka PCR, Hodi Halo Ezame Ba Suspeitu Covid-19, Dr. Rui: Halo Teste Identifika Virus

497
0
Imajen konaba virus Corona. [Foto: Copyright google | 02.04.2020]

Reportazen Zevonia Vieira

Pandemia virus Corona kontinua sai preokupasaun iha mundu global, tanba numeru ema mate tanba virus refere kontinua sae, hafoin iha semana hirak liu ba bainhira Ministeriu Saude [MS] anunsia katak iha kazu positivu ema ida infetadu Corona, hamosu paniku iha sosiadade nia leet.

Relasiona ho pandemia ida ne’em bainhira Portavos Centro Entegradu Jestaun de Crize, Dr. Rui Araujo halo konferensia iha Centro Convetion Dili [CCD] konaba moras ne’ebe afetadu ona iha Timor, bainhira Neon Metin halo konfirmasaun teste saida mak Ministeriu Saude uza hodi hatene katak positivu ou lae? Karik uza Swab ou Rapid Test?

Ba Neon Metin Portavoz Dr. Rui Araujo hatan Miniseriu Saude halo teste atu identifika virus laos rapid test, “ida ne’ebe ita uza agora ne’e naran polymerase chain reaction [PCR], ezame ne’e atu identifika bolu Genetic Footprint ka ain fatin jenetik hosi virus ne’e, wainhira nia positivu signifika virus ne’e iha ne’eba, Rapid Test ita la utiliza iha Timor-Leste, ita estuda hela esperiensia hosi rai liur, ita nia testu uza Swab maibe liu hosi PCR.

Dr. Rui Hato’o ba publiku katak medidas distansiamentu sosial hanesan babain ne’ebe governu apela duranre fulan hirak ne’e nia laran mantein nafatin, hijiene pesoal np keta haluha fase liman bebeik ho sabaun, ba sira ne’ebe iha alko bele uza alko, tanba ida ne’e mak bele ajuda hodi prevene moras ne’e hadaet mai ita.

Relasiona ho aimoruk ka sasan sira ne’ebe uza ba sidadaun sira atu prevene an hosi corona menus onaiha Timor-Leste, ba Neon Metin Dr. Rui Araujo hatan katak konaba oinsa populasaun atu uza, d CentruIntegradu Jestaun de Crize sei hatoo ba publiku konaba stock,

“Antes tama ba iha estadu emerjensia governu liu hosi Ministeriu Saude no Ministeriu Negosiu Esranjeiru halao ona serbisu lubuk boot ida, governu ho UNDP halo ona akordu ida atu reprezenta governu hodi kompras sasan sira neebe importante tebes atu haruka mai. Oras ne’e dadak Centru Integradu Jestaun de Crize sei buka koordena hela atu hatene informasaun detalhadu hotu, mais informa ba publiku katak governu halo ona serbisu lubuk ida, agora Centru Jestaun de Crize kontinua halo koordenasaun no buka dalan nafatin lori stock ne’ebe sufsiente, atu bele hamutuk hotu hodi prevene pandemia Covid-19”, esplika Dr. Rui iha CCD, 02/04

Informasaun hanesan mai hosi Vice Ministra Saude Élia António de Araújo dos Reis Amaral hatan ba Neon Metin katak Timor-Leste uza Swab Test hodi detekta konaba covid-19 ka lae.

“Ida ne’e Swab test ne’ebé mak halo konfirmasaun, ita halo iha ne’e depois ita konfirma, sé negativu ita halo fila fali iha Austrália no ita konjunta resultadu rua ne’e hotu. La uza Rapid Test tanba dalabarak liu mak falla no la efetivu”, hateten Vice Ministra Saude iha CCD, 02/04.

LEAVE A REPLY

Please enter your comment!
Please enter your name here