Home Saude Detekta Sedu Moras Kankru Susun Sei Salva Vida, Kankru Susun Registu Total...

Detekta Sedu Moras Kankru Susun Sei Salva Vida, Kankru Susun Registu Total 360

771
0
Seminariu konaba moras kankru susun iha Xanana Reading Room.[Foto: Adalgisa Pereira | 01.10.2020]

Reportazen Adalgisa Pereira

“Ita prevene ita nia-an,  ita detekta sedu, ita bele garantia katak ita bele salva vida, tamba moras nee iha 360 mak kankru susun ho serviks”. Maria Imaculada Guterres

Fundasaun Alola Iha Programa Hau Hili Atu Kura (HALIKU) servisu hamutuk ho Xanana Gusmão Reading Room (XGRR) no Komisaun Nasionál Kankru Susun Timor-Leste (KNKSTl) realiza seminariu kona ba moras kankru susun ho tema Detasaun Sedu Sei Salva Ita nia Vida, hodi komemora loron mundial “Outobru Rosa “ka fulan kankru susun ninian.

Diretor Fundasaun Alola, Maria Imaculada Guterres hateten husi seminariu ida ne’e atu fahe informasaun, kona ba atu sinais moras kankru susun nia ba joven sira .

“Atu hasae konsensia kona-ba importansia halo deteksaun sedu ba an rasik, tanba ita hatene katak deteksaun sedu sei salva vida, iha fatuk risku sira ne’ebe kontribui hamosu moras kankru ne’e,  ita prevene ita nia-an,  ita detekta sedu, ita bele garantia katak ita bele salva vida, tamba moras nee iha 360 mak kankru susun ho servix”, dehan Diretor Fundasaun Alola Maria Imaculada Guterres iha Xanana Gusmao Reading Room Lecidere, 01/10.

Nia hatutan ema ne’ebe mak hetan moras kankru susun, idade reprodutivu no balun 14 anos,  18 anos, 35 anos , 40,anos no barak liu mai husi areia remotas, tan ne’e halo aktividade sira no mos fahe informasaun liu husi meius oioin, atu tulun komunidade no hasae konnesementu, atu nune’e redus ka halo prevensaun ba kazu refere, tamba kazu ne’ebe registu iha ospital nasional Guidu Valadares hamutuk 360 ne’ebe registu,  kazu avansadu  80% tamba sira mai ho grave ona no fasilidade limitadu tebes, ida ne’e difisil tebes atu garantia salva ema moras sira nia vida,

Iha fatin hanesan Vice-Prezidente KNKSTL Departamentu Sirurjia Jeral, Dr.Raimundo dos Santos Soares iha nia entrevista hateten relasiona ho moras kankru susun, komunidade barak laiha konnesementu tamba ne’e ita iha numeru mos a’as

“Sira ne’ebe mak aprezenta-an avansadu ne’e mak barak, ita laiha buat barak atu oferese, ita suportivu deit hirak ne’e mak mate no mos balun ne’ebe mak aprezentasaun estasdium tolu, ne’ebe hetan operasaun no konsege ba hetan  kimio terapia iha Indonesia tinan rua ba leten no mos mate”, hateen Dr. Raimundo.

Nia dehan halo sosilizasaun to’o iha baze, hodi ema hotu hatene konaba sinal kanku susu, hodi aprezenta sedu tanba ho kafuak kiik oan, operasaun kompletu sai tomak iha ninia area ne’ebe afetadu, “nia ladaet ba fatin seluk, nia lamuda ba estadium ida ba rua, tamba ita halo ona opera.

Nia husu ba ema hotu atu aprezenta nia moras no labele moe, tamba moras kankru susun ne’e mos husi keturunan ne’ebe ses la diak. Risku ida tan mak idade liu 40 bele  hetan kankru aas liu kompara  ho 15 anos no ema ne’ebe mak la ko’us naliparus, bokur, konsusmu tua no fuma.

Print Friendly, PDF & Email

LEAVE A REPLY

Please enter your comment!
Please enter your name here