Home Notisia CUOFCCTL Hasoru PR, Deus: Konsolida Maluk Rezistensia Sira Hodi Defende Partisipasaun Iha...

CUOFCCTL Hasoru PR, Deus: Konsolida Maluk Rezistensia Sira Hodi Defende Partisipasaun Iha Luta

724
0
Prezidente CUOFCCTL, Tadeu Sebastião Sarmento ‘Deus’ ho ekipa iha palacio Prezidensia. [Foto: Santina Lucia da Costa | 01.10.2020]

Reportazen Santina Lucia da Costa

Confederação Unidade das Organisaçõens Frente Caixa Clandestina em Timor-Leste (CUOFCCTL), hasoru Prezidente Republika, Dr. Francisco Guterres Lu-Olo hodi aprezenta estatutu, fo hanoin oinsa mak enkamina no halo koordenasaun serbisu ho Conselho dos Combatentes da Libertasaun Nacional (CCLN) nu’udar organizasaun mahon ba veteranu sira.

Hafoin sorumutu iha loron 01/10, iha palacio prezidensia ba jornalista sira Prezidente CUOFCCTL, Tadeu Sebastião Sarmento ‘Deus’ ba jornalista sira hateten CUOFCCTL mai hasoru Prezidente Republika nudar mos lider rezistensia ne’ebe iha momentu hanesan konsellu deretiva preferensia no mos atu husu hanoin ba Prezidente Republika hodi nafatin fo hanoin ba ami Organisaçõens Frente Caixa Clandestina hodi harii ami nia konfederasaun.

Tadeu Sebastião Sarmento ‘Deus’ hateten konfederasaun ne’ebe mak Frente Caixa Clandestina durante tinan 18 la hamutuk, fahe malu, ba partidu sira insulta malu, insulta to’o lideransa rezistensia ninian, ho razaun ida ne’e mak harii CUOFCCTL no informa ba Prezidente Republika hodi haree no oinsa mak nafatin  fo motiva ba Rezistesia Frente Caixa Clandestina ne’e moris husi Frente Armada ho naran FALINTIL.

Nia dehan vizaun konfederasaun mak buka konsolida ninia maluk rezistensia no frente klandestina hodi defende sira nia partisipasaun iha luta libertasaun nasional.

CUOFCCTL nu’udar organizasaun independente ne’ebe afilia ba partidu politiku no organizasaun arte marsiais no ritual, hodi kontribui ba prosesu dezenvolvimentu nasional.

CUOFCCTL mosu husu organizasaun klandestina hamutuk 11 mak hanesan Sagrada Familia, HAOK, Santo Antonio, Fitun, ORJUMATIL, Orgão 8, Haburas, SAFARI, Nove-Nove, Zero Um no K.K Ailaletek atu hametin unidade nasional no haforsa patriotismo. Iha tempu badak hafoin besik tinan 1 halo konsolidasaun ba ninia estabelesimentu, organizasaun ne’e sei priense rekezitus legal nu’udar entidade formal ida.

LEAVE A REPLY

Please enter your comment!
Please enter your name here