Home EduTek EUA Fo Bolsa Estudu Ba Estudante UNTL nain 25 Hodi Aprende Lian...

EUA Fo Bolsa Estudu Ba Estudante UNTL nain 25 Hodi Aprende Lian Inglesh

511
0
Pro Reitor Asuntu Garantia Kualidade Interna, Marcos Antonio Amaral. [Foto: Bernarda da Costa | 01.10.2020]

Reportazen Bernarda da Costa

Embaixada Estados Unidos Amerika (EUA) fo bolsa estudo ba estudante nain 25 iha Universidade Nasional Timor Lorosa’e  (UNTL) husi fakuldade edukasaun, departamentu Ingles durante tinan rua.

Embaixadora Amerika, Kathleen Fitzpatrick orgullu tebes tanba bele serbisu hamutuk ho UNTL,  hodi fo oportunidade ba estudante sira, atu aprende lian Inglesh  ho programa micro access scholarship. Ho objetivu atu lori estudante sira aprende lian Inglesh tamba sai hanesan lingua komun iha Timor -Leste.

“Ami nafatin fo oportunidade ba estudante sira tinan-tinan no  ami oferese bolsu estudu ne’e nafatin. Ami aplika vaga nee laos ba estudante UNTL deit, maibe ba estudante sira neebe iha abilidade serbisu matenek, badinas iha programa ne’e”, tenik Embaixadora Amerika.

Embaixadora Amerika mos husu estudante sira atu aprende ho diak ba futoro sai diak liu hodi fo benefisiu ba ita boot sira nia an ba futuro,no aplika ba bolsu estudu barak liu tan.

Iha fatin hanesan Pro Reitor Asuntu Garantia Kualidade Interna, Marcos Antonio Amaral hateten estudante nain 25 sai hanesan selesionadu ba apoiu bolsu estudu nee, sira ne’ebe akaba husi ensino sekundario no sira ne’ebe finansialmente ka ekonomikamente presiza apoiu ruma.

Nia haktuir liu husi fakuldade edukasaun ho ninia unidade, Centru lingua Inglesa fo sai publikasaun ba estudante sira, atu nune’e sira neebe hetan oportunidade bele rikqueza sira nia an.

Estudante Florindo Ribeiro hanesan bolseiro sente kontente tamba bele inklina-an iha formasaun ida ne’e, tamba ne’e nudar oportunidade diak ida ba nia no mos ba kolega sira seluk.

Hau nia planu ba future mak wainhira hau remata formasaun ida ne’e, hau hakarak kontinua no bele apply vaga bolsu estudu ruma”, dehan estudante Florindo ho esperansa boot.

LEAVE A REPLY

Please enter your comment!
Please enter your name here