Home Saude Labarik Idade 13 To’o 15 Mak Kunsumu Tabaku, Mane 61% no Feto...

Labarik Idade 13 To’o 15 Mak Kunsumu Tabaku, Mane 61% no Feto 23%

586
0
Representante Organizasaun Mundial Saude (OMS) Dr.Dongbao Yu. [Foto: Bernarda da Costa | 01.10.2020]

Reportazen Bernarda da Costa

Tuir dadus OMS ba labarik adolesensia sira husi tinan 13 to’o 15, mane 61% no feto 23 % konsumu mos tabaku. Ema adultu sira ne’be mak hipertensaun aas iha Timor-Leste kuaze 40%  hosi tinan 18 to’o 69

Representante Organizasaun Mundial Saude (OMS) Dr.Dongbao Yu aprezenta dadus konaba moras kankru, diabetes, asthma no moras seluk tan katak kuaze 41 miliaun iha mundu mak hetan moras kankru no rezultadu ikus mai mate

“Hare ba iha kondisaun Timor-Leste iha prokupasaun barak nebe ligadu ho moras la hadaet nian, husi nivel nasional dadus husi tinan 2014 to’o 2019, ami iha dadus hatudu katak ema Timor-Leste  adultu ho 71% mane no 30% feto ne’be mak konsumu hela tabaku”, dehan reprezentante OMS ba jornalista sira iha JL Vila Aimutin 01/10.

Nia informa mos katak iha dadus ba labarik adolesensia sira husi tinan 13 to’o 15 ,mane 61% no feto 23 % konsumu mos tabaku. Ema adultu sira ne’be mak hipertensaun aas iha Timor-Leste kuaze 40%  hosi tinan 18 to’o 69 .

Nia hateten moras la hadaet hanesan problema ida ba ema nia moris no iha buat rua hanesan problema ba saude no mos dezenvolvimentu, tamba buat rua ne’e ohin loron mosu hela iha nasaun Timor -Leste.

“Husi kazu sira ne’e mak governu Timor-Leste halo ona buat barak iha ita nia rai, hanesan atu halo kontrola ba moras sira ne’e no mos iha ona lei ida, hodi kontrola tabaku ne’be mak governu implementa ona”, informa reprezentante OMS.

Nia informa ssbosu lei mos governu dezenvolve hela hanesan kontrolo alkohol nian no submete ona ba iha Ministerio Saude hodi hare liu husi konsultasaun .

Representante OMS ne mos deklara Jovem barak mos agora dadauk halo ona buat diak barak hanesan transforma sira nia-an liu husi ezersiju fiziku, ne’be mak joven sira halo iha dader no mos lorokraik.

Print Friendly, PDF & Email

LEAVE A REPLY

Please enter your comment!
Please enter your name here