Reportazen Francisco JDA
Publiku kontinua tauk, preokupa no paniku ho virus Corona ne’ebe afeta ona Timor, numeru liu-liu bainhira numeru konfirmadu positivu ne’ebe mak kontinua aumenta. Informasaun ne’ebe mak Neon Metin rekolha iha sosial media Facebook, hodi espalla informasaun katak ema balun komesa tauk atu ba konsulta iha sentru saude sira, tanba bele sai suspeitu ba moras virus Corona, tanba professional saude sira husu perguntas relasiona ho sintomas virus Corona.
Neon Metin halo konfirmasaun relasiona ho publiku sira nia preokupasaun ba portavoz Centru Integradu Jestaun Krize [CIJK], Dr. Sergio Lobo, ba Neon Metin Dr. Sergio hateten ” dalaruma dezentedimentu oituan, tanba iha instrusaun ba centru saude hotu atu evita transmisaun lokal kualker ba ema ne’ebe isin manas, mear ka inus been ka sintomas respiratoriu, halo pergunta sira ne’e hanesan sintomas virus Corona, husu istoria viajen nian, kuandu nia istoria viajen ne’e suporta, ita tenke halo teste.
Relasiona ho surtu Covid-19 ne’ebé dadaun ne’e afeta ona nasaun Timor leste ho kazu positivu 23 no negativu sae ba 254 no kuradu nain 1 nafatin.
