Home Notisia Covid-19, Kombate Virus Corona, Dr. Sergio: Ita nian Kilat Diak Liu Mak...

Covid-19, Kombate Virus Corona, Dr. Sergio: Ita nian Kilat Diak Liu Mak Disiplina

506
0
Portavoz CIJK, Dr.Sergio Lobo. [Foto: Francisco JDA | 21.04.2020]

Reportazen Francisco JDA

Virus Corona sai inimigu ema hotu nian, ho virus nia prezensa iha nasaun tomak inklui Timor-Leste, Organizasaun Mundial Saude [OMS]  hasai regras ida atu ema bele halo tuir, hodi proteje an hoi virus Corona mak hanesan fase liman bebeik ho sabaun,  labele kaer matan, ibun no inus.

Liu hosi Centru Integradu Jestaun Krize [[CIJK], portavoz Dr. Sergio Lobo  kontinua apela ba komunidade atu kontinu aplika regras sira ne’ebe fo sai hosi Ministeriu Saude no OMS.

“Ita nia kilat diak liu mak displina tuir dekrettu governu nian konba estadu emerjensia, halo distansia sosial, fiziku, fase limana bebeik ho sabaun, uza maskra bainhira ba fatin publiku, tanba se numeru positivu aumenta barak ita nia kapasidade la to’o iha ne’eba, mesmu mundu tomak ajuda ita maibe se laiha disiplina ita sei labele kombate Covid-19”, hateten Dr. Sergio iha CCD, 21/04.

Dr. Sergio mos hateten fo fiar nafatin ba governu ne’ebe agora lidera prosesu prevensaun no mitigasaun moras Covid-19 ne’e, rona no fiar deit informasaun sira ne’ebe sai hosi konferensia imprensa ne’ebe CIJK realiza kada loron, kolabora no partisipa ho disiplina tur hamatek iha uma.

“Ita nia attitude atu rona malu ho ita nia unidade iha luta hasoru moras ida ne’e mak bele vense moras ida ne’e”, hateten Dr. Sergio

Print Friendly, PDF & Email

LEAVE A REPLY

Please enter your comment!
Please enter your name here