Home Saude COVID-19, Centro Saude Ossu Halo Triajen no Desinfeta Transporte Sira Hosi Dili

COVID-19, Centro Saude Ossu Halo Triajen no Desinfeta Transporte Sira Hosi Dili

962
0
Centro Saude Ossu, municipio Viqueque. [Foto: Santina Lucia da Costa | 23.03.2021]

Reportazen Santina Lucia da Costa

Relasiona moras surtu COVID-19, ne’ebe kontinua ameasa ba ema barak nia saude, hamosu duni impaktu boot ba moris ema nian iha area rural.

Neon Metin halo entrevista ho Xefe Centro Saude Ossu, municipio Viqueque, Dra. Elsa Esperanςa Monteiro da Costa Guterres hodi informa pasiente nain 8 iha Viqueque ne’ebe konfirmadu COVID-19, inklui postu-Administrativu Ossu nain 1,

Dra. Elsa hateten kazu ne’e mosu tanba sidadaun ne’e husi Dili, pozitivu ne’e mane idade 43, nia desloka husi Dili mai iha loron 12 Marsu 2021, sira nia objetivu mai Ossu, tanba familia balun mate.

Nia hatutan sntes sira desloka husi Dili mai, Centro Saude Ossu tun kedas ba iha terenu halo kedas asaun preventivas ba ema na’in 7 ne’ebé mai husi Dili. Depois iha loron 13 Marsu, ekipa vijilansia Ossu nian tun halo kedas investigasaun, foti kedas sira nia amostra, no husi sira na’in 7 ne’e nain 1 mak pozitivu no evakua kedas ba sala izolamentu Vera-Cruz Dili.

“Wainhira Dili implementa Serka Sanitaria, maluk sira iha Dili la bele ba Munisipiu, no husi Munisipiu labele ba Dili, entaun ho ida ne’e implementa serka sanitaria hahu husi loron 8 Marsu to’o agora, entaun Centro Saude Ossu hamutuk ho PNTL Munisipiu, Eskuadra Ossu ninian komesa halo triajen iha Asalaitula, hodi disinfekta transporte sira ne’ebe desloka hosi Dili no Baucau mai Viqueque no rezistu pasajeiru sira ne’ebé mak mai, nune’e bele hatene pasajeiru sira ne’e sira mai Ossu ka Viqueque iha Postu-Administrativu ne’ebé de’it,” dehan Dra. Elsa ba Neon Metin iha Ossu, 22/03

Nia informa katak Centro Saude Ossu, dadaun ne’e lao hela hodi sosializa informasaun prevensaun COVID-19 ba suku hotu, Postu-Administrativu Ossu ne’e iha suku 10, aldeia 59, ema pozitivu nain 1 ne’ebé Ossu hetan.

Oras dadaun ne’e iha suku seluk, sira ida-idak hela metin iha sira nia fatin, atividade bazar no misa laiha, wainhira iha komunidade balun mak iha suku ne’e presija atendimentu ruma, pesoal saude sira destaka kedas ba fatin refere.

Tuir observasaun Neon Metin iha terenu katak, oras ne’e dadaun komunidade sira iha Postu-Administrativu Ossu, kumpri regras, komunidade sira hakmatek iha sira nia uma, eskola taka, Bazar no misa sei laiha.

Print Friendly, PDF & Email

LEAVE A REPLY

Please enter your comment!
Please enter your name here