Home Saude Deteta Kazu COVID-19 Foun nain 12 Iha Dili no Viqueque nain 1,...

Deteta Kazu COVID-19 Foun nain 12 Iha Dili no Viqueque nain 1, Kazu Ativu 119

542
0
Koordenador Forsa-Tarefa ba Prevensaun no Mitigasaun Surtu COVID-19 iha Timor-Leste, Dr. Rui Maria de Araújo. [Foto: David da Costa | 28.02.2021]

Reportazen Zevonia Vieira

Ministeriu Saude (MS) deteta tan kazu foun COVID-19 hamutuk 13, liu hosi zoom konferensia imprensa,  iha loron 18 Marsu, Koordenador Forsa-Tarefa ba Prevensaun no Mitigasaun Surtu COVID-19 iha Timor Leste, Dr. Rui Maria de Araújo relata katak kazu nain 13 ohin iha mane nain 9 no feto nain 4, idade entre tinan 11-12 iha ema nain 2, idade entre tinan 18-50 nain 11, sintomatiku nain 3 no asintomátiku ka la hatudu sintomas nain 10.

Testes PCR ne’ebé hala’o hahu Janeiro 2021 mai to’o horiseik, 17 Marsu 2021, hamutuk hotu 16,959. Iha fulan Janeiru halao 2,567 testes PCR, fulan Fevereiru 6,390, husi loron 1 Marsu to’o 17 Marsu hala’o ona 8002 testes no hosi horseik mai ohin halo 233 testes.

Dr. Rui dehan evolusaun surtu COVID-19 iha municipio Dili hosi kazu foun iha leten, nain 12 iha Munisipiu Dili, ho detalles hanesan kazu pozitivu 2, hetan kontajiu husi profisionál saúde husi cluster Aldeia 05 ho cluster Aldeia São Miguel, Suku Comoro, iha iha HNGV, unidade hemodiálize.

Kazu pozitivu 6, husi Aldeia Avansa, Suku Bairro Pite, Postu Administrativu Dom Aleixo, pozitivu rua ne’e kontaktu- besik ho kazu pozitivu iha cluster hanesan, ne’ebé anunsía iha loron 16 Marsu.  Kazu pozitivu 1 iha Aldeia Metin 3, Suku Bebonuk, Postu Administrativu Dom Aleixo. Kazu ne’e ba aprezenta-an iha HNGV hakarak tes tamba deskonfia iha kontaktu-besik ho kazu iha Bebonuk.  Kazu pozitivu 2 iha Aldeia Lirio, Suku Motael, Postu Administrativu Vera Cruz. Kazu ne’e ba aprezenta-an iha HNGV hakarak tes tamba deskonfia iha kontaktu besik ho kazu iha Bebonuk.

Kazu pozitivu 1 iha Aldeia Maucocomate, Suco Becora, Posto Administrativo Cristo Rei. Kazu pozitivu ida ne’e kontaktu iha serbisu fatin ho kazu ida iha cluster Aldeia Mate Restu, Suku Vila-Verde ho nune’e, kazu detetadu ka pozitivu iha Munisipiu Dili husi loron 7 Marsu to’o ohin hamutuk hotu 95.

Iha munisipiu Viqueque, deteta kazu foun 1, hamutuk hotu munsisipiu Viqueque iha kazu konfirmadu nain 3. Kazu foun ne’e profisionál saúde halo kursu pós-laboral iha UNTL, fila husi DIli ba Viqueque iha loron 8 Marsu.

Dadus em jeral ba loron 18 Marsu kazu foun konfirmadu iha nain 13, rekuperadu nain 1 no kazu ativu iha 119.

Print Friendly, PDF & Email

LEAVE A REPLY

Please enter your comment!
Please enter your name here