Home Saude Total Ema 164 Sai Hosi Kuarentena Obrigatoriu, Dra.Odete: Husu Komunidade Labele Diskrimina...

Total Ema 164 Sai Hosi Kuarentena Obrigatoriu, Dra.Odete: Husu Komunidade Labele Diskrimina Sira

589
0
Diretor Jerál Prestasaun Saude, Dra. Odete Viegas. [Foto: Francisco JDA | 06.03.2020]

Reportazen Francisco JDA

Ministerio Saúde  [MS] entrega hikas maluk sira ne’ebe hela iha kuarentena obrigatoriu durante loron 14 iha Hotel Audian no Holte Novo Horizonte ba Ministeri Administrasaun Estatal, hodi entrega ba sira nia komunidade no familia.

Diretor Jerál Prestasaun Saude, Dra. Odete Viegas ba jornalista sira hateten, totál ohin ne’ebé sai hosi ootel Novo Horizonte no otel Audian hamutuk ema 164

“Hosi 164 ne’e, ema 66 mak hosi otel Audian no 98 mak hosi otel Novo Horizonte. totál sira ne’ebé sai dadauk ne’e hosi Munisípiu hamutuk 41 pessoas no hosi Dili 123.  Atu tula  sira fila ba ida-idak nia munisípiu. Centru Integradu Jestaun Krize preparadu hotu ona, atu tula sira ba ida-idak nia fatin. Sira iha Dili la iha problema, maibé sira hetan sertifikadu ba loron 14 kuarentena”,  tenik Diretora Jerál Prestasaun Saúde Odete Viegas iha Otel Novo Horzonte Metiaut, 06/04.

Dra. Odete hatutan sira ne’ebe fila fali ba komunidade, iha balun konsege hetan sintomas iha otel Audian, maibe graca de deus, tanba rezultadu teste negativu.

“Apela ba maluk sira ne’ebé ohin fila ba sira nia fatin, nafatin mantein medidas preventivas, fase liman, mantein distansia 1 metru no importante liu mak kuandu iha sintomas hanesan isin manas mear maran no kakorok moras halo favor kontaktu kedas servisu vizilansia MS atu nune’e ba kedas hasai sira nia amostra”,  tenik Dra. Odete Viegas

Nia mos husu ba komunidade sira atu labele diskrima sira, tanba ita la hatene moras ne’e bele kona ema hotu, momentu difisil ne’e di’ak liu buka koopera hamutuk, hodi Kombate Covid-19 iha Timor Leste.

Print Friendly, PDF & Email

LEAVE A REPLY

Please enter your comment!
Please enter your name here