Home Saude Ekipa Saúde Evakua Sidadaun Pozitivu COVID-19 nain 1 Iha Sede Hasatil-Farol

Ekipa Saúde Evakua Sidadaun Pozitivu COVID-19 nain 1 Iha Sede Hasatil-Farol

1164
0
Ekipa Konjunta Saúde evakua pasiente COVID-iha sede HASATIL. [Foto: Francisco JDA | 18.03.2021]

Reportazen Francisco JDA

Ekipa Konjunta Saúde Municipiu Dili evakua tan sidadaun pozitivu COVID-19 nain iha sede HASATIL, suku Motael, Aldeia Liro ba sala isolamentu, hafoin sidadaun ne’e ba hala’o konsulta iha Centru Saúde Formoza II, deteta katak nia iha sintomas mear, isin manas, inus been nune’e pesoal saúde hasai teste Swab no ohin konfirma katak nia positivu COVID-19

Tuir Responsavel Visilansia Epidemiolojika Municipiu Dili, Dr. Rusli Bin Ali ba jornalista sira hateten katak, ohin ekipa konjunta saúde halo investigasaun ba kazu pozitivu nain 1 no nain 11 ne’ebé  halo kontaktu besik, ohin halo ona  Swab teste  nune’e sei hein rezultadu.

“Nia kontaktu hosi Viqueque maibé nia la kontaktu langsung,  maibé nia família mak kontaktu nune’e mai vizita nia mak hetan virus ne’e, nia hela iha ne’e, nia  hahú sintomas iha loron 16 Marso, hafoin nia ba konsulta iha centru saúde Formoza II, entaun nia iha sintomas hanesan isin manas, mear, inus been, nune’e pesoal saúde halo atendimentu ba nia, halo swab test nia rezultadu sai pozitivu,” hateten Dr. Rusli Bin Ali iha Suku Farol Aldeia Liro, 18/03.

Iha Fatin hanesan Xefi Aldeia Liro Suku Motael, Joana Sarmentu informa katak, pesoa ne’ebé pozitivu COVID-19 iha Aldeia Liro Suku Motael, la’ós komunidade Aldeia Liro nian ,maibé joven sira ne’ebé mak mai hela ka halo atividade iha HASATIL-Farol.

“Ema ne’e la’ós ha’u nia komunidade,  sira maioria estudante sira mai hamutuk iha HASATIL serbisu hamutuk ho komunidade iha ne’e, kona ba halo resiklazen akua, botir no plastiku ida ne’e mak sira mai serbisu hamutuk iha ne’e, maibé la’ós ha’u nia komunidade, sira iha ne’e barak joven maioria hela iha ne’e,” hateten Xefil Aldeia Liro Suku Motael Joana Sarmentu iha Farol.

Print Friendly, PDF & Email

LEAVE A REPLY

Please enter your comment!
Please enter your name here