Home Notisia AJTL: Jornalista Sira Aprende Husi Max Stahl, Hakerek Lian Kbiit Laek no...

AJTL: Jornalista Sira Aprende Husi Max Stahl, Hakerek Lian Kbiit Laek no Luta Ba Injustisa

327
0
familia AJTL fo omenajen ba Max Stahl. [Foto: Brishen Hildegard | 17.12.2021]

Reportajen Santina Lucia da Costa

Asosiasaun Jornalista Timor-Lorosa’e (AJTL) presta omenajen ba Saudozu Max Stahl, no fo solidariedade ba saudozu nia kontribuisaun ba luta ukun rasik-an, ho espíritu aten-brani luta ba direitus umanus iha Timor-Leste no mós halo papel jornalista importante lori Timor hatudu ba mundu

Hafoin presta omenajen, Prezidente AJTL, Zevonia Vieira hateten kontribuisaun saudozu Max Stahl ba luta ukun rasik-an ne’e importante tebes, ho nia espiritu aten-brani ne’ebé luta ba direitus umanus iha Timor-Lest,e no halo papel jornalista importante lori Timor nia naran ba Mundu, nune mundu rekoñese violasaun direitus umanus akontese iha Timor.

Zevonia afirma ho Saudozu Max Stahl nia video ne’ebé fó sai iha mundu ema nota katak, Timor presija tulun tanba akontese hela violasaun direitus umanus, ne’ebé mundu presija tau atensaun.

“Ida ne’e prosesu ida naruk ne’ebé saudozu Max Stahl halo ba ita, haree husi perspetiva jornalista nian, maun Max Stahl ho nia espíritu jornalista ne’ebé mak boot, aten-brani hasoru inimigu Militár Indonesia iha tempu ne’eba, no koko halo reportajen ne’ebé mak di’ak tebes, ho nune’e nia filmajen sai notisia boot.” Hatutan Prezidente AJTL, Zevonia Vieira iha Sentru Audiovizual Max Stahl Timor-Leste (CAMSTL), Benfica, 16/12.

Prezidente AJTL fó Mensajen ba jornalista sira ohin loron katak, koko atu la’o tuir dalan ne’ebé mak saudozu Max Stahl halo ona, brani luta ba direitus umanus, krítiku no hato’o lia-loos.

“Ita hatene katak, violensia seksual mós akontese barak-barak iha tempu agora, oinsa mak jornalista bele aprende hosi ne’eba, kontinua hakerek lian kbiit-laek ka ema sira ne’ebe lian laiha, luta ba injustisa ne’ebé sei akontese iha ita nia rai-laran.” subliña Zevonia.

Print Friendly, PDF & Email

LEAVE A REPLY

Please enter your comment!
Please enter your name here