Home Notisia Prezidente TLPU Husu Jornalista Hotu Kontinua Banati Tuir Obra Max Stahl nian

Prezidente TLPU Husu Jornalista Hotu Kontinua Banati Tuir Obra Max Stahl nian

203
0
Prezidente TLPU, Candido Alves. [Foto: Brishen Hildegard | 17.12.2021]

Reportajen Satina Lucia da Costa

Timor-Leste Press Union (TLPU) hato’o Presta Omenajen ba Saudozu Max Stahl, Prezidente TLPU, Candido Alves, hateten, Max Stahl hanesan belun boot jornalista sira, no ema Timoroan hotu, tanba liu hosi ninia obra maka bele loke matan ba mundu kona-ba terus, susar ne’ebé timoroan hasoru iha luta ba libertasaun nasional.

“Ohin ita hotu mai iha ne’e hodi hato’o presta omenajen ba Saudozu Max Stahl, tanba Max Stahl hanesan mós belun boot jornalista sira nian, no mós ba ema Timoroan sira hotu, tanba liu hosi ninia obra maka bele loke matan ba mundu kona-ba terus, susar ne’ebé timoroan sira hasoru iha luta ba libertasaun nasional.” Hateten, Prezidente TLPU, Candido Alves hafoin Presta Omenajen ba Max Stahl Sentru Audiovizual Max Stahl Timor-Leste (CAMSTL), Benfica, 16/12.

Candido Alves, espresa, Maske Saudozu Max Stahl laiha ona ita nia sorin, maibé ninia memória ka nia obra sei iha ita hotu-hotu nia neon no fuan.

Prezidente TLPU husu ba jornalista sira hotu, banati tuir lala’ok ne’ebé Saudozu Max Stahl halo, presija kontinua nafatin tuir obra Saudozu Max halo ba rai doben Timor-leste.

“Ba maluk jornalista sira tenki banati tuir lala’ok ne’ebé Max Stahl halo, maske buat balun ita halo ona maibé buat balun mós ita presija atu kontinua nafatin tuir obra ne’ebé Saudozu Max halo ba ita no ba rai doben ida ne’e.” informa, Candido Alves.

Entretantu, tuir observasaun Neon Metin Familias, kolegas jornalista, estudantes, sosiedade sivl no seluk tan, kontinua fó presta omenajen ba Saudozu Max Stahl, tanba timoroan hotu hadomi tebes Max Stahl.

Print Friendly, PDF & Email

LEAVE A REPLY

Please enter your comment!
Please enter your name here