Home Notisia Xefe Redasaun Neon Metin: Max Stahl Hatudu Ezemplu Diak Ba Jornalista Tomak...

Xefe Redasaun Neon Metin: Max Stahl Hatudu Ezemplu Diak Ba Jornalista Tomak Iha TL

542
0
ekipa redasaun Neon Metin presta omenajen ba Max Stahl. [Foto: Brishen Hildegard | 17.12.2021]

Reportajen Bernarda da Costa

Ekipa redasaun media RENETIL – Neon Metin presta omenajen ba saudozu Max Stahl nia Ahu –Kdesan, no fo soliedariedade ba Max Stahl nia kontribuisaun importante ba Timor-Leste nia ukun rasik-an

Xefe Redasaun Neon Metin, Ato ‘Lekinawa’ Costa hateten Max Stahl mak jornalista ida ne’ebe lori problema Timor nian ba mundu internasionál, wainhira mosu demonstrasaun masakre 12 de Novembru 1991, no Max Stahl nia kometimentu ba luta direitus umanus no nia fuan hanesan ema ne’ebe mak preokupa ho terus povu seluk nian ,liu-liu iha momentu ne’eba povu Timor -Leste hasoru.

Max Stahl laos deit sai jornalista ida koñesidu hodi lori problema Timor ba mundu, maibe mos halo Max Stahl sai mos lutador ida ba ema Timor nia matan, se laiha ema ida hanesan Max Stahl iha momentu ne’eba, susar tebes ita atu fó informasaun hodi sai ba liur, “ Dehan Xefe redasaun Neon Metin, Kinta 16/12.

Nia hatutan Max Stahl mak hamrik iha oin, hodi fahe informasaun ba mundu konaba saida mak Timor -Leste hasoru, liu-liu hatutan lian sira ne’ebe maka juventudi loriku as’wain sira hato’o iha momentu 12 de Novembru.

Xefe Redasaun Neon Metin dehan Max Stahl nia luta husik hela mensajen importante ida ba ita hotu, katak la natoon jornalista ida atu halo deit notisia bain-bain, tanba notisia ida bain bain nia rezultadu mos bain bain deit, presiza esforsu estraordináriu hodi hetan mos notisia estraordináriu.

“Max Stahl hatudu ezemplu diak ida ba jornalista tomak iha Timor –Leste, no mos ba joven sira no hakarak husik hela espíritu ho luta ida ne’ebe abnegasaun ,katak  husik hotu o nia interese no hatutan interese ne’ebe sai preokupasaun ema barak nian.” Ato ‘Lekinawa’ Costa konklui

Print Friendly, PDF & Email

LEAVE A REPLY

Please enter your comment!
Please enter your name here