Home Saude CIJK Ho Familia Halo Kremasaun Ba Matebian Chen Xiang Lin Ne’ebe Mate...

CIJK Ho Familia Halo Kremasaun Ba Matebian Chen Xiang Lin Ne’ebe Mate Ho COVID

524
0
ekipa saude halo kremasaun ba matebian Chen Xiang Lin iha Metinaru. [Foto: David da Costa | 22.05.2021]

Reportajen David da Costa Gusmao

Relasiona ho matebian Chen Xian Ling (58) ne’ebe mak mate ho COVID-19 iha loron 16/05, ohin familia ho parte Sala Situasaun Centru  Integradu Jestaun Krize (CIJK),  ekipa saude no ekipa Ministra Solidaridade Sosial Inkluzaun (MSSI) halao ona kremasaun ka sunu mate isin iha Metinaru.

Tuir Koodenador ba Destakamentu Reasaun Rapidas (KDRR), Aurelio Guterres informa ohin ekipa saude, ekipa Ministra Solidaridade Sosial no Inkluzaun  no CIJK hamutuk ho familia sira halao kermasaun ka sunu matebian nia isin tuir kultura sira nian.

“Ida ne’e hanesan primeira vez  governu no sala CIJK hamutuk ho Ministeriu Saude, parte sosial no relevante sira halo prosesu kremasaun iha semiteriu publiku COVID-19 Metinaru, prosesu ida ne’e halo parte iha governu nian, wainhira sidadaun sira hakarak halo kremasaun ba familia sira ne’ebe mak vitima ba COVID-19 ita prepara atu fo apoiu,” dehan Aurelio Guterres iha semiteriu Publiku nian iha Metinaro, Sabadu 22/05.

Nia haktuir prosesu kremasaun ne’e familia husi matebian COVID-19 ho governu iha ona konkordansia hodi halao prosesu kremasaun ne’e. Hafoin remata kremasaun familia sira sei foti hikas nia restus mortais ka ahuk desan hodi lori fila ba nia rai Xina.

Reprejentante familia matebian Rudy Kawan hateten ohin mai hamutuk ho ekipa CIJK hodi halo kremasaun ba Chen Xian Ling  nia mate isin, familia ho governu Timor  iha Konkordasaun hodi halo kremasaun ba mate isin ne’e.

“Ami familia ho governu Timor-Leste koalia ona ho embaxador Xina katak atu halo halo prosesu kremasaun no to’o ikus iha duni konkordansia hodi mai halo kremasaun iha fatin ne’ebe governu prepra ona,” nia dehan.

Nia konta tuir katak antes ne’e matebian sofre uluk moras tensaun no diabetes durante tinan tolu ho balun,  iha loron 14/05 matebian isin manas makaas, familia sira deside  lori ba Hospital Nasional Guido Valadares (HNGV) , no iha ne’eba mediku sira hasai teste swab ba matebian ikus mai rezultado hatudu pozitvu no iha loron ne’e kedas transporta ba sala izolamentu Vera Crus.

Nia dehan durante halao tratamentu iha sala izolamentu Vera Crus iha loron balun deit matebian hakotu iis iha kedas iha lorin 16 Maiu ,husi ne’e familia matebian komunika kedas ho parte relevante sira no desizaun ikus prosesu kremasaun halo tuir duni regras Organizasaun Mundial Saude no kustume Xina nian.

Matebian mate husik hela oan nain ida ne’ebe dadaun ne’e iha hela Xina no labele partisipa iha serimonia kremasaun ne’e tanba hareea ba situasaun aktul ne’e, maibe familia komunika ona iha tempu badak, nia oan sei fila mai Timor hodi bele lori fila nia aman nia restus mortais ka ahuk desan ba rai moris fatin. Matebian durante hela iha Timor-Leste kuaze tinan 10 resin ona hodi hala’o negosiu iha area Beto Comoro.

Tuir observasaun jornalista  Neon Metin iha terenu katak, famila matebian no CIJK sei hein matebian nia kremasaun ka hein hela nia isin mate ne’ebe sunu to’o oras lima nian laran, atu foti matebian nia ahuk desan hodi lori fila ba uma,  no iha tempu badak atu bele lori nia ahuk desan ba nia rai moris fatin Xina.

Print Friendly, PDF & Email

LEAVE A REPLY

Please enter your comment!
Please enter your name here