Home Saude Covid-19, Grupu Feto Produs Maskara Hodi Prevene-an Hosi Corona

Covid-19, Grupu Feto Produs Maskara Hodi Prevene-an Hosi Corona

391
0
Grupu Feto sira produs masakra ne'ebe hetan apoiu hosi SEII. [Foto: Media SEII | 28.03.2020]

Organizasaun Mundiál Saúde (OMS) iha loron 12 Marsu 2020 abertamente halo ona deklarasaun ofisiál katak Virus Corona ka COVID-19 nu’udar pandemia ne’ebé kontinua espalla ho lalais ba fatin hotu, maske ninia distansia do’ok husi Xina nu’udar sentru husi moras corona virus.

OMS hamosu estimasaun katak númeru taxas mortalidade ba nasaun afetadu sira sei kontinua aumenta wainhira nasaun sira la halo ho asaun prevensaun sedu. Situasaun globál ne’e sai mós preokupasaun governu Timor-Leste husi nível sosiedade hotu kona-ba alerta husi OMS no mós antesipasaun ne’ebé Governu Timor-Leste presiza atu halo hodi kontra moras ne’e.

Iha Timor-Leste rejistu ona kazu ida maibé ekipamentu protesaun hanesan máskara dala barak susar atu hetan iha loja sira.

Ho obstaklu ne’e liu hosi Sekretaria Estadu ba Igualdade no Inkluzaun (SEII) inísia aktus medidas hakarak promove grupu feto modista/alfaiate sira ne’ebé oras ne’e suku máskara no bele fa’an ba públiku.

Grupu feto hirak ne’ebé prodús máskara kompostu husi Grupu Feto Forte Nasaun Forte, lidera husi Madalena Wondeng, Grupu Inan Terus lidera husi Adelina Freitas no Grupu Humboe Kafé Ermera, lidera husi Paulina do Rosario Lemos.

Polítika SEII maka atu apoia grupu feto sira ativa iha prosesu konstrusaun estadu nu’udar kompromisu atu kapasita feto sai sidadaun ne’ebé pro-ativu iha prosesu dezenvovimentu liuhosi atividade negósiu eskala kiik sira.

Ba povu Timor-Leste liuliu Munisípiu Dili, Bobonaro no Ermera hotu ne’ebé mak hakarak hetan máskara husi ita-nia inan feton maluk sira bele kontaktu direta ba iha.

Ba komunidade sira ne’ebe presiza maskra hodi prevene an hosi virus Corona bele kontaktu, Madalena Wondeng ho numeru telephone  +670 7712 9222 ( bele fornese ba Munisípiu Bobonaro no Dili),  Adelina Freitas: +670 7727 8035 ( bele fornese ba Munisípiu Dili ) no Paulina do Rosario Lemos: +670 7741 5370 (bele fornese ba Munisípiu Ermera).

Tips hosi redasaun Neon Metin hodi prevene an hosi Covid-19:

  1. fase liman bebeik ho sabaun
  2. hatoman-an habai-an iha loron manas, tanba ultra violet bele hamete virus ka bateria iha oras ida nia laran
  3. konsume ka hemu bee bebeik hodi hamate bateria iha ibun laran
  4. se sente isin manas, mear ka inus been presiza deskansa iha uma laran no hadok-an hosi ema seluk, no bele kontaktu klinika saude sira ne’ebe besik

LEAVE A REPLY

Please enter your comment!
Please enter your name here