Home Notisia Covid-19, KM Aprova Dekretu Governu Ba Medidas Ezekusaun Estadu Emerjensia

Covid-19, KM Aprova Dekretu Governu Ba Medidas Ezekusaun Estadu Emerjensia

225
0
Konsellu Ministru Estraordinario VIII Governu Konstituisional. [Foto: Media Gabinete PM | 28.03.2020]

Reportazen Zevonia Vieira

Relasiona ho Estadu Emerjensia ne’ebe Prezidente da Republika dekreta ona n.o29/2020, loron 27 Marsu, ohin loron 28 Marsu Konsellu Ministru [KM] aprova ona dekretu governu ba medidas ezekusaune estadu emerjensia tanba Covid-19.

VIII Governu Konstituisional halao enkontru iha Dili Convention Center [DCC], liu Konsellu Ministru Estraordinária, Dekretu Governu ne’e iha kapítulu 8 no artigu 33. Kapítulu I, Dispozisaun Jerál: kapítulu ne’e iha artigu 5, ko’alia kona-ba dispozisaun jerál, objetivu, ámbitu ba aplikasaun territorial, prinsípiu no legalidade, prinsípiu ba igualdade no prinsípiu ba proporsionalidade.

Kapítulu II Sirkulasaun Internasionál: Kapítulu ne’e iha artigu 7, ko’alia kona-ba proibisaun entrada estranjeiru sira iha territóriu nasionál, autorizasaun esesionál ba entrada estranjeiru iha territóriu, mas ho permisaun Primeiru-Ministru nian, estranjeiru responsavel sira ba transporte ou liberasaun ba merkadoria importada, kontrolu sanitáriu ba entrada no saida territóriu nasionál, proibisaun embarque, ijolamentu terapéutiku obrigatóriu.

Kapítulu III Sirkulasaun iha Territóriu Nasionál no Fiksasaun Rezidénsia: Kapítulu ne’e iha artigu 4, ko’alia kona-ba ijolamentu obrigatóriu no durasaun ba períodu konfinamentu(sulan) obrigatóriu, ijolamentu voluntáriu no konfinamentu voluntáriu, regras ba distansiamentu sosiál liuhosi via públika mínimu metru ida.

Kapítulu IV Reuniaun no Manifestaun: Kapítulu ne’e iha artigu 2, ko’alia kona-ba proibisaun halo reuniaun no manifestasaun sira labele liu ema na’in 5, no proibisaun ba sosiál, kultural, no desportiva sira.

Kapítulu V Atividade Koletiva kultu ka Relijiaun: Kapítulu ne’e iha artigu 2, ko’alia kona-ba proibisaun eventu relijioza no realizasaun fúnebre liuliu ho kondisaun SARS-cov2 labele liu ema na’in 10.

Kapítulu VI Direitu ba Inisiativa Ekonómika Privada: Kapítulu ne’e iha artigu 4, ko’alia kona-ba direitu ba inisiativa ekonómika privada, suspensaun ba atividade sira transporte koletivu no pasajeiru sira.

“Regras ba asesu estabelesimentu komersial sira no prestasaun serbisu, ne’ebé indivídu sira bainhira tama instalasaun komersial, obrigatóriu uza maskra, fase liman no halo distánsia metru ida, kona-ba merkadu tradisionál dispostu ho artigu anterior no halo adaptasaun ba locais, ne’ebé merkadu funsiona no ba vendedor ambulantes no respetivu kliente obrigadu dispostu ba distánsia sosiál”.

Kapítulu VII Administrasaun Públika: Kapítulu ne’e iha artigu 3, ko’alia kona-ba funsionamentu serbisu prestasaun no atividade profisionál ba rekursu umanu no administrasaun públika, serbisu públiku esensiál sira no asesu ba instalasaun ne’ebé s funsiona serbisu.

Kapítulu VIII Definisaun Finál: Kapítulu ne’e iha artigu 6, ko’alia kona-ba; suspensaun ba atividades letivas, iha rejime Prezensial no Enseramentu ba Instalasaun Estabelesimentu Edukasaun, Ensinu superior no Formasaun profisionál, lisensa no autorizasaun, Forsa no Serbisu Seguransa, Ajente Protesaun Sivíl no Inspetor ba Autoridade Seguransa Alimentar no Ekonómika, dever jerál no kooperasaun, termu ba vijénsia no entrada iha vigor.

Dekretu Governu ne’e sei publika imediatamente iha jornal da Repúblika menus dentro 24 oras hafoin nia aprovasaun.

LEAVE A REPLY

Please enter your comment!
Please enter your name here