Home EduTek Covid-19, Ponciano Kria Aplikasaun Health Monitoring System, Hodi Ajuda MS Hatene Ema...

Covid-19, Ponciano Kria Aplikasaun Health Monitoring System, Hodi Ajuda MS Hatene Ema nia Status Moras Corona

3151
0
Ponciano Vieira kria aplikasuan online Health Monitoring System [HMS]. [Foto: Dokumentu Privadu | 29.03.2020]

Reportazen Zevonia Vieira

Virus Corona ne’ebe mak sai pandemia ba mundu tomak, halo publiku preokupa ho idak-idak nian kondisaun saude. Nasaun barak mos hamosu estadu de emerjensia, halo kuarente ba nia sidadaun tomak atu la sai hosi uma no bandu ema hotu atu halo atividade iha fatin publiku.

Ponciano Vieira nudar joven ida remata ninia Majestradu iha Universidade Sydney -Australia ho espesialidade iha area “Software Engineering”, konsege kria plataforma ka aplikasuan online ho naran Health Monitoring System [HMS], ho objetivu ajuda Minesteriu Saude ka taskforce ba virus Corona, hodi bele hatene ema balun ne’ebe presiza ajuda ka area ne’ebe mak afeta ona virus Corona.

Neon Metin halo entrevista via telephone, Ponciano esplika katak intensaun hosi aplikasaun ida ne’e tanba ema hotu presiza atu hatene, ema sira ne’ebe iha sintoma corona virus.

 “Ita hatene problema barak ne’ebe akontese iha mundu, ita lahatane ema ne’e nia paraderu iha ne’ebe, ita la hatane nia status ne’e oinsa, entaun Health Official sira halo oinsa mak sira bele hatene ema sira ne’e ,hodi foti medidas preventivas hosi inisiu kedas. Ita sei uza online platform atu ema sidadaun hotu iha Timor laran tomak, bele rezistu online. Sira sei hetan konfirmasaun nebe Sistema haruka ba sira nia email, ne’e atu garante katak applikasaun ne’e seguru. Depois hetan konfirmasaun liu husi email, sira bele log in no informa ba pessoal saude sira ho status 3 (Mark your health status with three options)” mak hanesan tuir mai ne’e:

  1. Hau seguru husi COVID19 (I am safe from NCovid 19)
  2. Hau iha Simptoma oituan husi COVID19 (I have a mild NCovid 19 Symptom)
  3. Hau iha perigu husi COVID19 no persiza mediku urgente! (I am in a Danger of NCovid19 and need medical attention now!)

 “Bainhira sira marka ona sira nia an, Centre Database System [DBS]  iha Ministeriu Saude, iha ne’eba sira alerta kedas katak iha area ida ne’e, hetan ema ida ne’ebe mak iha sintoma ou iha perigu nia laran. Ida ne’e akontese iha real time katak bainhira ema ida update Ministeriu Saude  simu kedas”, tenik Ponciano, 28/03

Ponciano hatutan intensaun seluk hosi aplikasaun ne’e atu divulga informasaun konaba virus Corona, pro ezemplu liu hosi video, liu hosi animasaun ne’ebe mak ita haruka ba kada account  email idak-idak no sira simu ida kada semana 1 ou kada loron  bele determina.

“Bainhira iha situasuan emerjensia dotor sira la presiza atu hasoru tan pasiente, oinsa mak pasiente ne’e bele hetan advise hosi Dotor, oinsa atu bele preven-an hosi virus Corona, entaun iha aplikasi ne’e laran iha live chat ida, atu bele halo diskusaun ho dotor ka ekipa sira ne’ebe toma konta ba corona virus, sira pronto no direita komunika ho ema sira, liu hosi private message, para hetan informasaun sira ne’e, hafoin dotor sira bele mai direita hodi izola ema sira ne’e no bele salva nia vida”, esplika Ponciano via telephone, 28/03.

Aplikasaun Health Monitoring System ne’ebe mak kria hosi Ponciano, bele hahu rezista ona maibe ho numeru ne’ebe sei limitadu no Ponciano esforsa no hodi dezenvolve klean liutan lina ba live chat, hodi ema bele halo chat live ho ekipa taskforce ba virus Corona.

“Hau hare ba situasuan problema iha rai laran konaba moras corona ne’ebe sedauk lao efetivu, hakarak uza aplikasasaun ne’e ,hodi apoiu sistema saude nian, hau la presiza hetan selu, hau halo gratuita para ema hotu bele uza. Importante governu no ekipa taskforce ba corona virus nian ne’e bele halo hamutuk”, tenik Ponciano.

Aplikasaun ne’e tenke konekta ba internet no bele uza ba device hotu hanesan smartphone, desktop ka laptop, maibe sedauk tama iha google play store maibe uza deit link ne’ebe hau iha.

Tips hosi Redasaun Neon Metin hodi preven an hosi Covid-19:

  1. Fase liman bebeik ho sabaun
  2. hatoma-an habai-an iha loron manas tanba ultra violet sei hamate virus ka bateria iha oras ida nia laran
  3. hemu ka konsume bee bebeik hodi hamate bateria ka virus iha ibun laran
  4. se sente isin manas, mear ka inus been tenke deskansa iha uma laran no hadok-an hosi ema barak, no bele kontaktu klinika saude hodi bele atende
  5. konsume vitamina no deskansa barak hodi iha nafatin energia, hodi dook hosi moras

LEAVE A REPLY

Please enter your comment!
Please enter your name here