Reportajen Filomena da Conceição
Relasiona ho atuasaun membru polícia Nacional Timor-Leste (PNTL), ne’ebé horseik halo kapturasaun ba profesores Kontratadu nain 14, bainhira halo manifestasaun hasoru Ministeiru Edukasaun, tanba ne’e, Organização movimentu Komite Espresa (MKE) hato’o nian solidariedade ba profesores kontratadu Ne’ebé ne’ebe maka hetan kapturasaun husi PNTL.
Porta Voz Movimentu Komite Esperansa (MKE), Mali-Kay, hateten MKE nu’udar orgaun movimentu sosial polítika, ne’ebe eziste tanba kondisaun dezenvolvimentu injustu no dezigual ne’ebe organiza husi elites borjuista nasional no imperialista kapitalizmu global neoliberal ne’ebe asaltu hasoru Povu doben Maubere Timor no Povu exploitadu no oprimidu iha rai seluk.
“Husu PNTL liberta inkondisionál membru Komite Esperansa, membru KNPK-TL no ativista sira ne’ebe hetan detensaun iha sela Kaikoli, kondena atuasaun represiva no brutal ne’ebe PNTL halo hasoru manifestante sira, Kondena desizaun Poítika Injusta IX Governu liu husi Ministériu Edukasaun ne’ebe demite ka hasai Professores Kontratadu hamutuk 1.715 (Públika iha Jurnal Repúblika”, dehan porta-voz, Movimentu Komite Espresa, Mali Kay, Liu husi Komferénsia Imprensa, iha Jardin 05 de Maio Kolmera, Tersa 13/02.
Tanba dau-daun ne’e, ema barak sente moris ho forma dezenvolvimentu ida estagnadu liu tan, povu kiik no kiak sofre konsekuensia oi-oin, iha setor edukasaun, saúde, agrikultura, infrastrutura no seluk tan. No Durante tempu naruk, elites borjuista nasional sira halo politika no ukun lori slogan mamuk dezenvolvimentu ba Povu doben Maubere hodi hais rikusoin hotu povu nian ba sira nian interese individual no grupu minoria ka sira nian partidu, kompañia no grupu oi-oin ne’ebe konservativu no anti-demokratiku partisipatónu.
Nia haktuir tan, Kona-ba kestaun konkretu dau-daun politika IX Governu liu husi Ministériu Edukasaun no Saúde no seluk tan ne’ebe demite ka hasai traballadores lubun hodi lori konsekuensia oi- oin, la os partikular de’it ba traballadores nian a’an maibe Povu doben Maubere oan hotu Professores.
Nune’e estudante organiza asaun ho forma oi-oin ona maibe, Ministeriu Edukasaun ho entidade relevante governu nian ignora, dezvia no orienta liman-ain PNTL hodi halo atuasaun forsada no represiva hasoru manifestante sira. Nune’e, iha asaun greve hala’o horiseik iha Ministeriu Edukasaun 12 Febreiru 2024, Ministeriu Edukasaun orienta PNTL hodi kaptura ho brutal manifestante sira hamutuk 14 ne’ebe kompostu husi feto 5 no mane 9.
Entretantu movimentu Komisaun Espresa kontinua Mantein solidariedade ba proferores kontratadu no estudante sira ne’ebé sofre hela ba politika Governu nunee’e, sira husu hodi kontinua asaun manifestasaun ba hasoru Politika Injusta IX Governu liu husi Ministeriu Edukasaun.
