Home EduTek SEKOMS Sensibiliza Literasia Dijitál Iha Eskola Cristal, Akara: Uza Internet Ho Pozitivu

SEKOMS Sensibiliza Literasia Dijitál Iha Eskola Cristal, Akara: Uza Internet Ho Pozitivu

380
0
SEKOMS ho estudante Cristal. [Foto: Umbelina | 21.07.2022]

Reportajen Umbelina dos Reis

Sekretáriu Estadu Komunikasaun Sosiál (SEKOMS) hala’o kampaña nasionál Kombate Hoax no Promove Internet Saudavel, liuhusi sensibiliza Literasia Dijitál.

Liuhusi sensibilizasaun literasiao dijitál ne’ebe hala’o iha Ensinu Sekundariu Privadu Cristal (ESGPC) ho objetivu atu hasa’e estudante sira nia konxiénsia, utiliza plataforma dijitál no enkoraja estudante sira atu uza internet ho pozitivu, saudavel no promove konteúdu no kriatividade pozitivu, atu domina plataforma média sosiál.

“Governo hanoin era dijitál, era ida ne’ebé mak sai hanesan kultura foun ba mundu nian, ita hanesan nasaun, ita hakarak ka lakohi kultura foun mundu nian ne’e ita tenke tama, dala ruma kultura foun ida ne’e la’os ita nia hakarak maibé mundu mak tama duni ona iha tempu ida ne’e,” dehan Akara iha sensibilizasaun ne’ebé hala’o iha Salaun Cristal, Kuarta-feira, 21/07.

Nia dehan, meius komunikasaun sosiál oi-oin, maibé tradisionál dala ruma uluk ita kuandu fo informasaun ba malu, ita vizita malu mak foin pasa info ba malu, dala ruma hakerek mak foin transmite ita nia hanoin ba ema, ema ne’ebé mak asesu ita nia informasaun limitadu.

“Bainhira ita tau status iha Facebook, la’os kolega de’it mak asesu maibé territóriu tomak iha mundu ne’e asesu hotu, ne’e diferensa boot entre kultura komunikasaun iha tempu pasadu liu ba i no agora ba oin kultura foun ida ne’e ita presiza aproveita nia vantajen no dezvantajen, tan ne’e ita presiza tranzmite di’ak bainhira ko’alia kultura foun ne’e lalais liu no la limite ema,” dehan Akara.

Nia konklui katak, matenek hahú hosi uma laran, númeru ne’ebé ema  asesu média sosial, internet iha Timor barak liu fali sidadaun Timor, ita Timoroan agora Juta ida resin de’it, dadus ha’u simu ona katak ema uza internet liu tiha ita nia populasaun, tanba maioria ema hotu kaer telefone Smarphone iha, no kada telefone sim card 2-3 uza hotu internet.

“Bele uza smartphone maibé ita ema mak tenki matenek liu Smarphone, labele Smarphone mak matenek liu fali ita, tanba ita mak utiliza, se ita mak beik liu fali telefone ne’e nia sei estraga ita nia kakutak, tanba smartphone nia situs ne’e oi-oin de’it, masyarakat yang pinter dan harus lebih cerdas dari telepone pintar,” nia dehan.

Iha Parte sorin, Diretór Ensinu Sekundáriu Privadu Cristal, Rafael Xavio hateten Sekretáriu Estadu mai fo informasaun pozitivu ba ami nia estudante sira, tan ne’e pontus balu ne’ebé mak importante ba sira nia regulamentu sei enkaixa mos iha futuru, oinsá mak uza internet ho di’ak, liu hosi matéria Edukasaun Sívika, Relijiaun no Istória.

“Ami mos iha programa regular hodi enkontru ho inan-aman, para inan-aman kontinua kontrola oan sira ne’ebé mak uza internet liu-liu iha era dijital,” dehan Diretór Jerál ne’e. Nia akresenta atividade ne’e partisipa hosi estudante primeiru to’o terseiru ano hamutuk 500 pesoas.

Reprezentante hosi estudante Cristal, Ijack dos Santos, sente orgullu tebes, tanba liu husi atividade sira hanesan ne’e bele hasa’e sira nia koñesimentu di’ak liu tan iha era dijital ida ne’e.

“Ami estudante sente orgullu tanba liu husi atividade sensibilizasaun literasia dijital ida ne’e bele hasa’e ami nia koñesimentu kle’an liu tan saida mak hoax? no saída mak lia falsu, atu bele interpreta ba ita nia vida moris loro-loron,” dehan Ijack iha Salaun eskola Cristal.

Print Friendly, PDF & Email

LEAVE A REPLY

Please enter your comment!
Please enter your name here