Home Notisia Sidadaun La Kumpri Regras EE, Motorizadas La Uza Maskra no Kontinua Tula...

Sidadaun La Kumpri Regras EE, Motorizadas La Uza Maskra no Kontinua Tula Ema Barak

561
0
Polisia halo checkpoint ba Kareta tula komunidade neebe atu ba faan modo iha Taibesi. [Foto: Santina Lucia da Costa | 06.03.2020]

Reportazen Santina Lucia da Costa

Ne’e laos buat todan ida ita atu hala’o, maibé ita atu asegura ita nia-aan no asegura mós ema ne’ebé sira atu hasoru direitamente, tanba ne’e laos polisia mak obriga ema, maibé Lei mak obriga. Nafatin eduka ema, kumpri Lei no kumpri ita nia estadu emerjensia”. Basilio de Jesus.

Bainhira Prezidente dekreta estadu emerjensia relasiona ho virus Corona ne’ebe mak daet ona iha Timor, governu apela ba sidadaun sira atu bele hela hakmatek iha uma no bainhira sai kontinua uza maskra.

Ba situasaun refere, Komandante Unidade Polisia Martima [UPM], Sperindente Asistente, Basilio de Jesus ba jornalista sira iha palacio governu hateten atensaun liu ba ema hotu ne’ebé mak halo movimentasaun, obrigasaun tenke uza maskra, maibe haree realidade ohin, kuaze motorizta ema na’in 2 tula malu, balun uza maskra no balun la uza maskra no kondutor sira lori kareta Truck, Anggunan iha oin tula ema nain 3-4”, hateten  Superindente Asistente, Basilio de Jesus, iha loron 6/4, fatin Palasiu Governu nia oin.

Superindente Asistente, Basilio de Jesus hateten ohin anggunan ida mai husi Munisipiu Ermera, pasajeiru sira atu ba faan modo iha Merkadu Taibesi. Durante estadu emerjensia la autoriza hodi buka pasejeirus maibe ohin kareta anggunan ida tula ema na’in 8 iha kotuk, tula tan ema na’in 3 iha oin.

“Agora Polisia ninia obrigasaun nafatin esplika, hato’o ba ita nia komunidade sira hotu, liu-liu sira ne’ebé uza kareta no mós uza motorizadas, primeiru obriga sira hotu tenke uza maskra, talvez sira koalia maskra faan laiha, mais realidade maskra sei faan barbarak hela”, hateten Basilio de Jesus.

Komandante UPM mos hateten polisia hapara tiha sira, sira ba sosa maskra mai tiha mak fó motor ba nia na’in mak foin ba.

“Ne’e laos buat todan ida ita atu hala’o, maibé ita atu asegura ita nia-aan no asegura mós ema ne’ebé sira atu hasoru direitamente, tanba ne’e laos polisia mak obriga ema, maibé Lei mak obriga. Nafatin eduka ema, kumpri Lei no kumpri ita nia estadu emerjensia”,  hateten Basilio de Jesus.

Basilio de Jesus, hatutan polisia nia obrigasaun lor-loron, periodu ba estadu emerjensia, polisia nafatin halo auto-stop iha fatin hotu-hotu, atu obriga  komunidade hotu tenke uza maskra ida ne’e mak sai prioridade.

“PNTL nafatin ninia serbisu atu sosializa, eduka ema, fó hanoin ba ema, interese ba estadu ida ne’e. Hau fiar katak estadu nia interese laos ba buat seluk, maibé ba komunidade nia di’ak. Tanba ne’e PNTL sei la kolen, polisia nia obrigasaun atu hato’o no sosializa nafatin”,  tenik Komandante UPM.

Print Friendly, PDF & Email

LEAVE A REPLY

Please enter your comment!
Please enter your name here