Home Notisia SJJD Municipio Dili Lamenta Pozisaun Deputadu Adriano Tanba La Kumpri Desizaun PD

SJJD Municipio Dili Lamenta Pozisaun Deputadu Adriano Tanba La Kumpri Desizaun PD

1479
0
Sekretario Jeral Juventude Demokratiku Munisipiu Dili.[Foto: Santina Lucia da Costa | 06.03.2020]

Reportazen Santina Lucia da Costa

Relasiona Deputadu Adriano do Nascimentu, husi Partidu Demokratiku (PD, ne’ebé hamutuk apoia VIII governu ne’ebé fo nia votu afavor ba pedidu urjensia ba alterasaun Lei Orsamentu Jestaun Finanseiru (LOJF), iha oron 25/3/2020, iha Parlamentu Nasional.

Tanba ne’e, Sekretario Jeral Juventude Demokratiku Munisipiu Dili, Cesar Mau-Loi Amaral, hateten Partidu Demokratiku [PD], Organizasaun Juventude Demokratiku Munisipiu Dili liuhusi konferensia  imprensa hakarak hato’o, tanba lamenta tebes pozisaun deputadu Adriano do Nascimento ne’ebé hatudu momós la tuir desizaun kolektiva PD nian ne’ebé hatu’ur iha konferensia nasional iha loron 20/2/2020.

“Momentu konferensia nasional ne’e, iha ona desizaun kolektiva partidu nian, ne’ebé hato’o ona iha konferensia iha 20 Fevereiru 2020, ne’e ezekutiva Munisipiu 13 inklui RAEOA, mai hamutuk atu foti desizaun lao hamutuk ho maun boot Xanana Gusmão no to’o ikus mai Deputadu Adriano la tuir buat ne’ebé mak mensiona iha Konferensia Nasional ne’e”, hateten Sekretario Jeral Juventude Demokratiku Munisipiu Dili, Cesar Mau-Loi Amaral ba Jornalista sira liu husi Konferensi Imprensa, iha loron segunda-feira,6/2, fatin Sede PD.

Liu husi Konferensia Imprensa ne’e, Cesar Mau-Loi Amaral deklara deputadu Adriano do Nascimento hatudu inkonsistensia tan antes ne’e vota kontra hela ba programa no orsamentu VIII Governu Konstituisional, agora derepente vota afavor fali ba governu ne’ebé demisioner ona.

Cesar Mau-Loi Amaral, ezije ba Prezidente PD no Sekretario Jeral atu foti asaun konkretas ba hahalok deputadu Adriano do Nascimento nian tuir estatutu PD no Lei Eleitoral kona-ba RECALL. Ezije ba Prezidente Bankada PD iha Parlamentu Nasional atu kontrola no fó chamada atensaun ba Deputadu PD nian ne’ebé indisplinadu.

LEAVE A REPLY

Please enter your comment!
Please enter your name here