Home Notisia Vatikanu Agradese ba Parlamentu, Servisu Hamutuk ho Igreja Katólika ba Interese Sarani...

Vatikanu Agradese ba Parlamentu, Servisu Hamutuk ho Igreja Katólika ba Interese Sarani nian

232
0
Reprezentante Vatikanu iha Timor Leste Mgr. Marco Sprizzi. [Foto: Silvino | 13.06.2023]

Reportajen Silvino Freitas

Reprezentante Vatikanu iha Timor Leste hato’o karta agradesimentu ne’ebé lori Amo Papa nia naran, nu’udar despedida ba mandatu Parlamentu Nasionál V lejislatura ne’ebé remata ona, nune’e konteúdu husi karta ne’e, ko’alia kona-ba kolaborasaun servisu hamutuk entre igreja Katólika ho Parlamentu Nasionál ba interese sarani Timor-Leste nian.

Reprezentante Vatikanu iha Timor Leste Mgr. Marco Sprizzi hateten, nia hato’o karta agradesimentu ho amo Papa nia naran ba parlamentu nasionál iha sira nia mandatu ikus, husi karta ne’e mós nia agradese ba kolaborasaun sira ne’ebé durante ne’e hala’o entre deputadu sira no reprezentante nunsiatura apostolika iha Timor Leste.

“Loos katak ami hala’o servisu hamutuk ne’ebé importante tebes ne’ebé di’ak ba povu no sosiedade, iha realizasaun inisiativa importante sira kona-ba lei nian, haree ba misionáriu sira hodi servisu ba povu espesialmente ba ki’ak ho nesesidade sira no haree ba problema sira ne’e resolve di’ak tebes” dehan Marco Sprizzi hafoin entrega karta agradeseminetu ba prezidente parlamentu nasionál, (13/06).

Entretantu prezidente parlamentu nasionál Aniceto Guterres hateten, prezensa Mgr. Marco Sprizzi hato’o karta agradesimentu husi Amo Papa nian kona-ba kolaborasaun entre parlamentu nasionál ho igreja katólika liuhusi nunsiatura apostoliku iha Timor Leste durante nia mandatu tinan 3 resin.

“Nia mai entrega karta ne’e aproveita mós hato’o liafuan ikus ba Parlamentu, tanba ha’u nia mandatu sura de’it ona loron, nune’e ha’u mós hato’o liafuan despedida ba igreja katólika ne’ebé durante ne’e koolabora direta no servisu hamutuk ba interese sarani no povu Timor Leste nian ne’ebé maiória Katólika, nune’e ho buat hotu la’o di’ak” dehan PPN Aniceto Guterres.

Print Friendly, PDF & Email

LEAVE A REPLY

Please enter your comment!
Please enter your name here