Reportajen Agustina Amaral
Relasiona ho menus gazolina no folin ne’ebé komprador sira hasa’e durante loron hirak nia laran ne’ebé difikulta tebes konsumidor sira, Prezidente Tane Konsumidor, Antonio Ramos da Silva husu atu governu liu hosi Autoridade Nacional Petróleo no Minerais (ANPM) tenki regula presu hirak ne’e.
Nia hatete presiza alterasaun no armonia ba regulamentu ka lejislasaun sira ne’ebé iha vigora hela ba Dekretu Lei Nú. 29 de 2011, presu justu alterasaun lei sobre kompeténsia ba empreza reguladora ANPM, kompeténsia ba fiskalizasaun, inspesaun no alarga estabelese folin mina ho ni-nia formula rasik, tuir pontu de vista Tane Konsumidor merkadu labele auto-regulariza maibé estadu tenki envolve.
“Reguladora la hala’o ni-nia knaar ho maximu, empreza fornesedor sira la iha jestaun ne’ebé mak di’ak tanba la hatudu planeamentu ba fornese mina ba konsumidor sira, prejudika mobilidade. Ezijénsia Tane Konsumidor nian mak presiza iha investigasaun ne’ebé kle’an autoridade sira ne’ebé responsável tenki asumi ni-nia responsabilidade,” dehan Prezidente Tane iha nia knaar fatin, Vila-Verde, Segunda-feira, 12/06.
Timor Gap, E.P, sai nu’udar distribuidor tanba nu’udar empreza pública atu bele normaliza merkadu presiza intervensaun estadu no labele husik merkadu auto-regularizada.
