Home Notisia Mari: Haburas TL, Tenke Serbisu Hamutuk ho determinasaun Haboot no Haburas FRETILIN

Mari: Haburas TL, Tenke Serbisu Hamutuk ho determinasaun Haboot no Haburas FRETILIN

785
0
Sekretariu Jeral partidu FRETILIN, Dr. Mari Alkatiri. [Foto: Santina Lucia da Costa | 07.12.2020]

Reportajen Santina Lucia da Costa

Komite Central FRETILIN (CCF) halo reuniaun hodi deskuti konaba prorogasaun ba mandatu estrutura nasioal no estrutura baze FRETILIN nian, konfirmasaun ba nomeirasaun membru sira ba Komisaun Nasional Preparasaun no Organizasaun (CNPO), fo mandatu ba Sekretariu Nasional atu inisia konferénsia sira iha nivel postu administrativu, munisipiu/reziaun espesiál sira.

Liuhusi komunikadu imprensa ne’ebe Neon Metin asesu iha loron 26/09, informa katak CCF aprova ho aklamasaun Komite Central FRETILIN nia deliberasaun ida ne’ebé mak fo Onra no Glória ba Kamarada “Ma’Huno Bulerek Karataiano” nu’udár fundadór FRETILIN, Membru Komite Central FRETILIN Primeira Jerasaun, Sekretáriu Komisaun Diretiva FRETILIN no Chefe Konselu Polítiku Militar ne’ebé foin husik Mundu iha loron-24 fulan-Setembru tinan-2021.

Ho Ma’hunu nia mate, Komite Central FRETILIN konsidera “FRETILIN no Timor-Leste lakon elementu importante ida ho grande história nu’udár Eroi Nasional iha Luta Libertasaun Patria nian.”

Tuir mai Komite Central FRETILIN aprova ho unanimidade deliberasaun ida kona-ba ajendamentu ba Kongressu Nasional Dalima FRETILIN nian ba tinan-2022 ho data ne’ebé sei marka hafoin konsiderasaun no analize ba situasaun nasional.

Komite Central FRETILIN mós aprova deliberasaun ne’ebé halo prorogasaun ba mandatu husi FRETILIN nia estrutura nasional no estruturs baze. Estrutura nasional nia mandatu sei proroga to’o realizasaun Kongresu Nasional enkuantu mandatu estrutura baze nian sei proroga to’o tinan-2024, ho readjustamentu ba estrutura iha fatin sira ne’ebé mak estrutura la ativu.

Nune’e mós, Komite Central FRETILIN aprova deliberasaun ne’ebé komfirma nomeiasaun membru sira ba Komisaun Nasional Preparasaun no Organizasaun (CNPO), ne’ebé halo husi Komisaun Politika Nasional iha loron 19 fulan setembro tinan 2021, hodi koordena FRETILIN nia serbisu preparativu sira ba realizasaun Kongresu Nasional Dalima, Eleisaun Direta Lideransa FRETILIN, Eleisaun Prezidensial tinan-2022 no Eleisaun Lejislativa tinan-2023. Komte Sentral konfirma nomeiasaun husi kamarada Camarada Flávio M. G. da Silva nu’udár Prezidente CNPO hamutuk ho kamarada Cipriana Pereira no kamarada Antoninho Bianco nu’udár Vice-Prezidente.

Deliberasaun ida seluk ne’ebé Komite Sentral FRETILIN aprova mós kona-ba realizasaun konferensia postu administrativu, sub-rejional, munisipiu no RAEOA ne’ebé atu hahu iha fulan-Otubro tinan-2021 ne’ebé sei renova FRETILIN nia estrutura iha nivel sira ne’e no eleje mós delegadu sira ne’ebé sei partisipa iha Kongresu Nasional Dalima FRETILIN nian. Deliberasaun ida ne’e mós fohanoin ba FRETILIN nia organizasaun filliada sira atu hahu

prosesu konsolidasaun estrutural iha nivel hotu-hotu.

Hafoin diskusaun profunda ba deliberasaun sira ne’e idaidak, Komite Central aprova deliberasaun ne’ebé fo onra no gloria ba saudozu kamarada Ma’hunu ho aklamasaun enkuantu deliberasaun haat sira seluk idaidak aprova ho unanimidade.

Liuhusi komunidade imprensa ne’e Sekretariu Jeral FRETILIN, Dr. Mari Alkatiri hateten superasaun ba kontradisaun sira ne’ebé iha mak hetan solusaun no reuniaun ida ne’e importante atu lori Komite Central ba hare hamutuk, oinsa mak atu haburas FRETILIN atu bele haburas Timor-Leste.

“Atu haburas duni Timor-Leste, ita hotu tenki hamutuk serbisu ho determinasaun hodi haboot no haburas FRETILIN hahu husi baze mai to’o nasional, prepara FRETILIN atu manan iha 2023 hodi bele konsolida Estadu de Direitu Demokrátiku, dezenvolve ita nia Povu no konsolida ita nia Nasaun,” Dr. Mari Alkatiri konklui iha loron 25/09.

Print Friendly, PDF & Email

LEAVE A REPLY

Please enter your comment!
Please enter your name here