Reportajen Joselina dos Santos
Asosiasaun Jornalista Timor-Leste (AJTL), servisu hamutuk ho United Nations Development Programme (UNDP) no hetan fundus hosi Embaixada Jepan ina Timor-Lese, hodi kontinua fasilita treinamentu kona-ba Demokrasia no oinsá halo kobertura iha eleisaun parlamentár 2023.
Iha abertura ba treinamentu ne’e, Prezidente AJTL, Zevonia Vieira hateten AJTL kontinua iha kometimentu hodi fo formasaun ba membru AJTL sira inklui radio Komunidade no Radiu Defisiénsia, ne’ebé halo nia servisu journalistiku iha Timor-Leste.
“Treinamentu ne’e foka liu konaba demokrasia no oinsá jornalista sira halo kobertura ne’ebe diak iha eleisaun parlamentár 2023, nune bele ajuda jornalista sira hasa’e konnesementu klean liután, nune bele komprende asuntu sira ho diak”, dehan Zevonia iha CVTL, 18/10
Zevonia dehan antese ne’e AJTL halo ona treinamentu oinsá verifika faktus iha media sosial no kontra liafuan odiu ho rasizmu sira, nune bele hamosu sosiedade ne’ebe kontribui ba demokrasia no fahe informasaun nebe los
Partisipante ne’ebe partisipa iha treinamentu ne’e hamutuk nain 35 mai husi radio komunidade, media nasionál sira inklui estudante universitáriu. Treinamentu ne’e sei halao durante loron 3 nia laran.
