Home Notisia CLN Apoiu ona Fos 480 Sakas Ba Postu Fatumea

CLN Apoiu ona Fos 480 Sakas Ba Postu Fatumea

596
0
Administrator Interenu municipio Covalima, Francisco Andrade.[Foto: David da Costa Gusmao | 05.03.2021]

Reportazen David da Costa Gusmao*

Administrador Interenu municipio Covalima, Francisco Andrade informa ba jornalista sira katak fos ne’ebe Centro Lojistika Nasional (CLN), apoiu ba komunidade sira liu husi governu to’o ona iha Covalima – Fatumea hamutuk 480 sakas.

“Ohin ami esforsu kareta husi Dili ba Suai maibe fos sira iha ne’eba ne’e laos 480 sakas deit,  maibe preparasaun ne’ebe ami troka ona ne’e tenki sai hotu ba Fatumea, atu nune’e povu iha Fatumea bele hetan hotu ai-han,” dehan Administrator Intereinu Covalima ba jornalista sira iha Emaixada Xina Pantai Kelapa, 04/03.

Nia haktuir provisoriumente Fatumea tanba sira lockdown ona fulan 2 husi fulan Fevereiru to’o Marsu, tanba ne’e agora fokus liu ba iha Fatumea, maibe hatene katak semana oin sei to’o ba Fatu Lulik.

“Ami mos pelu menus aguenta to’o semana ida ka rua, ne’ebe oras ne’e dau-daun ai-han menus ona, ba ida ne’e oinsa bele buka dalan nune’e sira labele mate ba hamlaha”, nia dehan.

Nia dehan CLN la halo intervensaun ba fos maibe agora dau-dauk COVID-19 iha Covalima ne’e laos ba deit iha postu Administrativu Fatumea, maibe Covalima tomak mak infrenta, ezemplu Fatumea labele mai Suai, Fatu Lulik labele mai Suai, Fohorem labele mai Suai,  sira prepara ai-han ne’e to’o ne’ebe se laiha ona merkadu.

Nia salienta tanba iha ne’eba inan aman sira maioria moris agrikultura, se sira ba faan sira nia produtu lokal sira, atu ba  faan iha ne’ebe tanba merkadu iha Covalima taka hotu ida ne’e mak sira infrenta duni.

“Nune’e ami esforsu buka dalan oinsa hodi hetan ai-han, bele sustenta sira nia nesesidade bazika liu-liu ai-han  sira, atu sira nia ai-han ne’e labele hotu”, nia konklui.

*(David da Costa Gusmao nudar estudante UNTL ne’ebe estajiu iha Neon Metin)

Print Friendly, PDF & Email

LEAVE A REPLY

Please enter your comment!
Please enter your name here